| Tecla Kelly: Hopi cambio cu a sosode den carnaval a bin despues cu e programa tabata cla y tur cos regla |
 |
 |
| Wednesday, 22 February 2012 19:30 |
|
SAC a haya confronta cu cambionan cu a sosode despues cu e programa di carnaval tabata cla y tur cos tabata regla. Tecla Kelly, presidente di SAC a splica cu por ehemplo Jouvert Morning despues cu tur cos tabata cla, incluyendo e vergunning, a bin acerca cosnan cu no tabata riba schedule y tin cambionan cu no por a haci pasobra mester a avisa nan prome. No ta asina cu nan ta traha e programa na cuminzamento di aña pero e mester ta cla prome cu 11-11. Tur anja prome cu e dia ey SAC y KPA ta reuni y no ta druk e programa te ora tur punto ta poni caba. Presidente di SAC ta sinti cu e anja aki no a haya feed back na tempo ora nan a yama pa reunion pesey 11-11 a yega sin cu nan tabata completamente cla cu e programa. Tin hende a bisa cu SAC no a traha y e no ta berdad segun Kelly. Ela bisa cu pa SAC lo sinta evalua pronto, internamente, tur loke a sosode y lo pidi un cita cu gobierno pa papia riba algun punto cu a keda pendiente. Un di e cosnan cu ela siña cu e experiencianan di e anja aki ta cu comunicacion ta hopi importante. Semper nan ta percura pa sinta cu tur instancia concerni, y no ta berdad cu SAC ta tuma decisionnan riba su mes. Pero si ta asina cu tin hende ta warda te momento cu carnaval ta cerca pa trece sugerencianan dilanti ora cu ta laat. El a menciona un ehemplo di cambionan cu a sosode sin cu a tene SAC na cuenta e momentonan ey, cu ta e eleccion di reina. |
Mustra/Kita e formulario di comentario
