|
KPA ta yama testigonan di accidente mortal na Mahuma |
 |
 |
|
Tuesday, 13 March 2012 01:21 |
Riba diabierna 9 di maart ultimo un accidente di trafico grave a sucede entre 10.30 y 11.00’or di anochi riba caminda grandi di San Nicolas pa Oranjestad riba brug di Mahuma.
Un Chevrolet Impala cora scur a boks den e vangrail. Mientrastanto dos pasahero cu tabata den e auto aki a fayece a consecuencia di e accidente. Cuerpo Policial di Aruba ta investigando, conhuntamente cu Marechaussee Real (KMAR), e causa di e accidente. Relaciona cu e investigacion aki, Cuerpo Policial y KMAR ta buscando testigonan. Personanan cu por a mira e Chevrolet Impala cora scur ta core riba diabierna 9 di maart entre 10’or di anochi y e momento di e accidente rond di 11’or di anochi of cu a mira e accidente tuma lugar, ta wordo suplica urgentemente pa tuma contacto cu Polis na number di telefon 5824000 y puntra pa señora Semeleer of señor Orman di afdeling di Trafico.
 |
Mustra/Kita e formulario di comentario
