| Abogado Edwin Duijneveld: E otro banda di medaya di e tata cu supuestamente no tabata cria su yiunan. |
 |
 |
| Tuesday, 27 March 2012 00:19 |
|
Ora e a perde su trabou na cuminsamento di 2010 e situacion a cambia y Sr. Mendez a manda un carta na voogdijraad cu e ta bai purba di paga Awg. 500,= pa luna tog. E a logra di hasi diferente pago y cu ayuda di su pareha nobo e hasta a logra di paga e suma tur luna desde april 2011 te cu e dia e señora a laganan sere. Aparentemente den 2011 carta a wordo manda na un direccon na unda Sr. Mendez no tabata biba mas. Den un carta Sra. Moreno Guedez, cu a casa di nobo cu un comerciante, a exigi pago di Awg.600,= pa cada jui y tambe e placa atrasa, si no e lo tuma medida huridico contra Sr. Mendez. Sr. Mendez nunca a ricibi e carta aki. Sra. Moreno Guedez a lanta un caso contra Sr. Mendez pa haya permiso pa sera Sr. Mendez si e no ta paga e placa completo. Sra. Moreno Guedez a manda e deurwaarder na unda Sr. Mendez no tabata biba mas. Asina e caso a tuma lugar sin cu Sr. Mendez tabata na altura di dje y no por a defende su mes, pa e motivo ey Sra. Moreno Guedez a haya permiso di huez pa sera Sr. Mendez si e no paga full e atraso. Locual ta remarkabel y ta mustra e maldad den e caso aki ta cu e Sra. Moreno Guedez tabata sa cu Sr. Mendez no tabata biba eynan mas, es mas e tabata sa masha bon unda si Sr. Mendez y su paraha nobo tabata biba, pasobra e a jega bai eynan y menasa e pareha nobo di Sr. Mendez. Kiermen cu mala fe ela enganja su abogado y Corte, pasobra Corte tabata pensa cu Sr. Mendez tabata sa di e caso y simplemente no a presenta y a dicta den favor di e senora. Ela bai mas lew den Corte dor di anja huez cu Sr. Mendez no tabata paga nada. Den e caso sumario e a sigi cu su mentiranan dor di laga su abogado pone ariba papel cu enberdad Sr. Mendez a paga algun luna pero cu prome cu mei 2011 no paga nada. Ora un carta di voogdijraad a bin riba mesa na unda nan a mustra e pagonan cu Sr. Mendez a hasi den 2010 y 2011 prome cu mei esey tambe a wordo proba di ta un otro mentira di e senora aki. E ta di lamenta cu un tata cu ta den un sitaucion dificl sin trabou vast si ta purba di cumpli cu su deber cu su juinan ta wordo sera inhustamente dor di un mama, cu pa un motivo of otro ta prefera di wak su ex-pareha y tata di su dos juinan tras di trali, pa asina no por paga ni pa e dos muchanan cu e tin cu e señora aki, pero tampoco pa e baby di 1 anja y 4 luna cu Sr. Mendez tin cu su pareha nobo o pa su jui cu ta studia na Venezuela. Mas cu su nomber a wordo lastra den prensa basa riba ponencianan cu no ta cuadra cu berdad di un mama cu aparentemente no tin e bienestar di su juinan na pecho, pero djis kier hasi danjo na su ex-pareha y e paraha nobo di dje. Den nomber di Sr. M.S. Mendez Mogollon, Edwin Duijneveld, abogado |
Mustra/Kita e formulario di comentario
