| Cultura ta un tema amplio y Fundeshi di un pais |
 |
 |
| Wednesday, 23 May 2012 11:47 | ||||||
 No solamente arte y literatura ta inclui, pero tambe moda di biba, drecho fundamental di ser humano, sistema di balor, tradicion y creencia', esaki segun UNESCO, data for di 1982. Departamento di Cultura Aruba tambe ta para pa e definicion aki y hunto como un Aruba nos mester conserva y promove nos cultura. Na mesun momento educa nos sociedad y sigur nos hobennan pa hunto nos ta mas envolvi den e cultura dinamico cu nos ta biba aden awendia Pa nos por compronde loke ta cultura, nos mester mira kende nos ta, pues cu nos ta un ser humano. Como ser humano nos ta den movemento constante, creando y desaroyando. Esey ta tipifica y haci cultura dinamico. Ta door di esaki mes, cu diferente cultura ta ser crea. E palabra cultura ta bini di Latin cultum, cu ta significa cultuva. Of miho bisa, cultiva algo propio, loke ta identico di cada pueblo. Nos manera di pensa, arte, arkitectura, literatura, pues tur creacion humano, ta parti di nos cultura. Cultura, ta tur loke un hende mester sa, pa por actua di e manera corecto, den un grupo social of comunidad. P'esey tin biaha ora nos bay otro pais, nos por comete cierto eror di procedemento. Ya cu nos, no ta comparti e mesun codigonan cultural. Ta importante cu for di chikito nos hobennan ricibi e educacion perfecto, cu un persona mester ricibi. Departamento di Cultura Aruba pa medio di su proyectonan pa hubentud y escolar di tur aña ta hiba nos cultura cerca di nos muchanan. Entre otro Arte di Palabra, Presentacion na Scol di Himno y Bandera, Proyecto Escolar Contacto Cultural, Proyecto Escolar Dera Gay, etc. Cada pais tin nan custumber, norma y balornan, tradicion, y folklore. For di un principio cultura ta, tur conocemento cu ta permiti e ser humano participa den un grupo social, di bon manera. E concepto di cultura mester mester yega cerca tur hende na Aruba. Door di globalisacion, cultura ta inherente na cambio. Cada sociedad cu ta existi riba mundo tin su propio cultura, cu ta representa pa su historia, modo di biba, su custumbernan, su folklore, su cuminda y hopi aspecto mas, cu ta bay ta formando e cultura di un nacion, atrabes di su existencia. Globalisacion ta pone cu tur esakinan ta bou di un presion continuo. Departamento di Cultura Aruba trahando riba un maneho cultural cu lo dilenea nos herencia cultural (Expedicion Rescate) cu ta forma e base fundamental di kende nos ta como persona individual, y tambe como un sociedad. Nos cultura ta un recurso colectivo, unda cu ful un poblacion por participa na dje sea activo of pasivo.
Comentarionan (2)Mustra/Kita comentarionan ...
Pa promove c*ltura na un nivel mas halto mester di hende qualifica y mas importante cu experiencia den cada ramo. Experiencia profesional international ta mas mihor ainda pa asina usa experiencia di paisnan grandi en cuanto e desarrollo c*ltural. Papia di c*ltura ta facil. Maneha un departamento di c*ltura cu hende cu sabi kiko nan ta haci ta algo completamente differente. E palabra importante cu falta den nos departamento di c*ltura ta "hiba nos c*ltura na un nivel mas halto cu por iguala of sobrepasa e paisnan den nos hemisferio." Nos ta den un plateau c*ltural cu no ta bai ni padilanti ni patras.
,
May 24, 2012
...
> Si 'c*ltura ta ser forma di un composicion completo di caracteristica spiritual, material, intelectual y emocional cu ta distingui un sociedad of un grupo social', c*ltura y e Derechonan Inalienable anto hunto, mester forma e Fundeshi nacional di cada pais y pueblo liber, donjo di su propio destino!
Cu Parlamento di un Pais no ta consiente di esaki y NO ke promove y defende lo basico, cuminzando cu nos idioma nacional (e constitucion di nos pais na papiamento, ni esaki?) y defende nos identidad propio nacional aki na cas mes, y internacionalmente simplemente viaha cu propio pasaporte Arubano, nan ta e c*lpabelnan o saboteadornan mayor di nos c*ltura propio!
,
May 24, 2012
Duna Comentario y/of Comparti riba Social Medi |
Mustra/Kita e formulario di comentario
