Friday, 24 October 2014
Aerotuy a cuminsa bula Venezuela pa Aruba tur weekend Print E-mail
Sunday, 24 June 2012 20:33

front-IMG 4507

Diasabra ultimo e aerolinea Aerotuy a yega Aruba pa prome bes, cu un compromiso pa sigui bula tur fin di siman pa nos isla, tanto riba diasabra como diadomingo. E avion ATR-42 di 50 pasahero a sali for di Las Piedras, a pasa Caracas y sigui pa Aruba, dentro di un luna mas nan lo spera di cuminsa bula 4 bes pa siman pa nos isla.

E compania di "groundhandling" AGS (Aviation Ground Services) ta encarga cu tur servicio riba rampa di aeropuerto y na e pasaheronan di e aerolinea Aerotuy for di Venezuela. Osling Toppenberg como CEO di AGS Aruba a yama Presidente di Aerotuy, Sr. Venancio Palacios, bon bini na nos isla y bon bini entre e clientenan satisfecho di AGS. Durante su discurso el a mustra su satisfaccion pa e hecho cu Aerotuy a scoge pa e servicionan di AGS como nan representante na Aruba pa tur e servicionan pa cu pasahero, avion y cu aeropuerto. E personal atento di AGS ta sigur cu lo brinda e mesun nivel halto di servicio cu Aerotuy ta brinda na tur su otro stacionnan rond mundo. Osling Toppenberg a sigura e aerolinea Venezolano cu AGS lo percura pa brinda e miho servicio posibel. Separa di Presidente di e compania, un grupo grandi di invitado a bula pa Aruba pa e vuelo inaugural aki. Entre nan e Alcalde di Estado Falcon, gerencia di Aertuy y un grupo di periodistanan bon conoci di Venezuela, kendenan a bin pa cubri e vuelo inaugural aki. Cu esaki Aruba ta sigui habri mas “airlift” for di Venezuela, un di nos mercadonan Latino Americano di mas importante a nos turismo.

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter