| Tony Green: Nos Ta Hogando Den Nos Mes Negativismo …ainda nos ta un One Happy Island |
 |
 |
| Tuesday, 26 June 2012 09:11 |
 Ta increibel pa mira un pais cu a logra ranca su mes for di dominio y establece su mes como un partner igual den Reino Hulandes y cu a crea un identidad distinto pa cu e otro islanan den Reino Hulandes, y despues di casi 27 aZa como pais ta creando un otro identidad.....esun di “One Negative Island!”
Tony Green a comparti cu DIARIO cu e ta sumamente obvio pa cualkier observador ripara cu e Aruba di awe a bira uno demasiado pesimista y negativo. Awe tur cos ta mira pa su parti(nan) negativo, nada no por, tur cos ta malo, tur hende ta malo, tur projecto ta malo. Unda cu bo bira ta keho bo ta tende, ta hendenan disgusta bo ta topa. Subi den bus, y nan ta keha y zundra, subi den autobus, nan ta keha y zundra, para den fila na banco y nan ta keha, sinta den oficina di dokter y nan ta keha y zundra, para den parkeo dilanti scol pa busca yuiw merdia, y nan ta keha y ta zundra. Sinta den banki na misa y nan ta zundra y keha esun cu laga cellular zona den misa. Para na caha den supermercado y nan ta zundra bay goal y keha e prijsnan halto. Tur cos ta motibo pa keha y rabia y motibo pa ta disgusta. Ta poco di nos ta tuma un postura di “ban mira e parti bon den esey!” Un hende ta trece un punto di bista, y enbez di mira su punto di bista pa loke e ta bal, y sondea e aspectonan di balor y berdad den dje, mesora ta cuestiona su intencion y ta duna su punto di bista un angulo cu ta simplemente negativo y hasta absurdo. Awor mi sa cu tin hopi cos cu di berdad no ta marchando bon, pero toch por tuma otro postura enfrente esakinan. Hypocrecia…no: Mester menciona aki tambe, cu ora algo a wordo proba di ta malo, nos no mester pretende si cu e ta bon djies pa keda positivo. Positivismo no tin nada di haber cu hipocresia. Por ehempel, si turbinanan di biento ta malo pa e medio ambiente di Urirama, nos no mester pretende cu e ta bon djies pa keda positivo. No, reconoce e cos pa loke e ta y purba trece cambio. Pero, hasta den algo asina nos por presenta nos punta di bista den un manera sano y positivo. Pero stop di ta negativo pa delaster un cos chikito sin significación duradero. Hogando den negativismo: Ta parce cu mas nos haya, esta mas cos material, menos contento y satisfecho nos ta bira! Ta parce cu nos ta prefera pensa negativo enbez di mira e aspectonan positivo. Loke ta hopi espantoso ta cu esnan cu ta bibando den e negatividad aki y cu ta fomentando negativismo no ta conciente di e peliger cu e ta creando pa su mes. E ta imposibel pa mantene un postura negativo pa temponan largo sin experencia e consecuencianan disastroso di esaki. Como persona negativo e bom di bo negativismo lo rebenta tardi o tempran. Como pais negativo tambe e bomb lo explota den nos caranan na un dado momento. Aruba ta y lo keda un paraiso den hopi sentido, pero solamente si nos actua awor pa scapa nos di e rumbo negativo cu nos ta den actualmente. Si e rumbo aki no cambia, aki poco tempo nos lo hundi den nos propio veneno di negativismo. Hopi Beneficio…si: Ta importante pa nota aki cu e beneficionan di ta positivo y di pensa positivo ta masha hopi mes. E efectonan di un mente positivo ariba e curpa ta fenomenal. Estudionan ta revela cu un mente positivo ta haci milagernan pa nos curazon den mantene esaki salud y funccionando optimal. Tambe e efectonan positivo di un mente positivo ta mustra tambe ariba e cutis di hende. Tur e organonan den nos curpa ta funcciona mihor ora nos mente ta positivo y ora nos ta biba den un esfera di positivismo. Segun psicologo Green, ta combini nos hopi mas pa bira positivo y pa pensa positivo cu pa sigui den negativismo. Ora nos conciencia ta positivo e ta percura pa un mihor circulacion di sanger, e sistema digestivo ta traha mehor, e riZonan ta funcciona mehor, y hasta nos bista ta mas skerpi. Un mente negativo ta trece un imbalance den practicamente tur parti di e sistema humano. Tony Green ta remarca cu no ta awe, pero desde e dianan di Abraham y Moses caba nan tabata conseha hende pa pensa positivo pa motibo di e beneficionan cu positivismo ta trece. E psicologo arubano, cu por cierto tin 9 buki riba mercado, di cual uno ta enfoca hopi ariba e pensamento di e hende (Ora Algo Bay Robes), a clausura su combersacion cu DIARIO mencionando Nelson Mandela como un tremendo ehemplo di pensamentonan positivo. E ta bisa cu Nelson Mandela cu tabata sera den un prison sin por mira luz di dia pa practicamente 27 aZa largo por a sali sano y salvo simplemente pasobra pa tur es tempo ey el a mantene un mente positivo. Tur dia e tabata bisa, “pronto mi lo sali y mira dia atrobe.” Segun Green, e pruebanan di e efectonan di un mente positivo ta hopi. Esnan den posicionnan di liderasco mester ta e promenan yama pa duna e ehemplo di positivismo. Laga nos (nan) bandona nos postura negativo cu.....”esaki no por, e no ta bon, of tal idea ta egoista,” etc., y cuminsa mira e bandanan bon y beneficioso den cada asunto. Ta imposibel pa keda ...”One Happy Island” si tanto hende ta negativo constantemente. Of kizas e tempo a yega pa cambia e slogan den “One Unhappy Island,” of “One Negative Island!”
Comentarionan (10)Mustra/Kita comentarionan ...
presenta theorianan di boeki ta bunita pero bo mes a hasi un estudio profundo y scientifico pa wak si enberdat tin tanto negativismo? ki clase di negativismo y di con e ta bin? pa bo por bin cu solucion bo mester sa e causa y actua riba e causa aki sino e ta keda bin bek pa causa negativismo! por ehemplo hasi un estudio pa wak si acaso e arubiano ta negativo paso su pais ta yena cu latino na entry level jobs, tin masha poko trabao riba nivel mediano y yena cu hulandesnan riba trabao di nivel halto y awor ta goberna pa Capitalistanan, mientras cu e sako di arubiano cada bes ta bira mas bashi!
,
June 26, 2012
...
Hopi tempo sin scucha sr. green su palabranan sabio: oposicion
politico na Aruba ta convenci cu destrui e pais aki ta parti di nan lucha. Ta un pensamento absurdo: si e pais ta bai malo anto oposicion ta bai bon. Tin algun parlamentario cu a yega asina leu di hasi presion riba un agencia di rating pa degrada nos pais y ainda e persona aki ta pensa cu easaki ta un "lucha politico". Sr. Green bo tin tur razon: e ehemplo di mas malo pa comunidad ta un lider politico negativo.....!!!!
,
June 26, 2012
...
Sr. Green lo por ta asina amabel di duna un lezing na nos dirigentenan di nos pais? Tanto Ministernan como e cuerpo di Parlamento. Mi ta kere nan ta e prome jama pa sinja con cambia nan actitud y pensamento pa uno positivo compara cu loke nos ta bin ta hanja e ultimo anjanan. Nan ta bringa otro asina hopi djis pa gana punto, y nan no ta mira con nan actitud ta influencia resto di comunidad. Ami si ta kere cu si bo cambia bo actitud y pensamento pa uno positivo, bo ta atrae tur loke ta positivo. E tipo di energia aki nos tur mester straal uit pa logra tur cos den bida.
,
June 26, 2012
...
Mi ta hopi eens cu senor Green. Aruba a bira asina negativo ultimo 10 ana. Hopi cos bon pa e pais ta wordu critica djies pa wordu critica. Djies wak e comentarionan riba cada artic*lo publica na 24ora riba un projecto andando na Aruba, y bo ta hana hala di critica. Echt hopi pais na mundo lo a admira e proyectonan cu Aruba ta ejecutando. Anos ta prefera di kibra Aruba enbez di aplaudi proyecto positivo pa e pais! Aruba bira mas positivo por fabor.
,
June 26, 2012
...
Esun cu tin orea lague tende..... Arubianonan ta contra tur proyecto di fantasia debi cu ningun di e proyectonan no ta bai duna nos mas plaka pa biba ni ta bai baha tarifa di awa y coriente..... Ni maske cuanto asphalt bo basha rond di Aruba lo mi no tin plaka pa jena gasoline den mi auto paso no tin trabow pa e Arubiano cu o ta liga na e gobierno berde aki. Tur esunan cu kier purba na brain wash nos ,boso fiesta ta bai caba SOON. Lesa bon "ARUBA TA PATA PATA DEN LODO CU AVP!!!"
,
June 26, 2012
...
Tony, sorry pero abo tambe ta negativo y contra energia alternativo pa nos pais y djis bay sinta saca bo propio opinion embez di analiza e situacion actual y kiko lo ta e beneficio nan pa futuro mirando e situacion di crudo y alavez inversion pa energia alternativo. Hopi kier hunga sabi y pretende di sa miho y ta mal informa pueblo. E realidad amargo ta kiko lo ta e bedard di e uso di petroleo pa futuro y nos medio ambiente y si e ta bay ta pagable pa nos mes y nos futuro generacion. Si nos kier cuminsa na drecha mundo anto nos tin cu cuminsa na nos mes.
,
June 26, 2012
...
Green? AVP? AVP tambe ta Green. Senilidad a toca na porta di Tonito. Nunca Tonito a lesa bukinan di e famoso Paolo Freire? Djis lesa su obranan, pa bo hanja sa cu e OPRIMIDO ta bira e OPRESOR mas PISA ora e ta hanja un chens. Awel, Tonito, E Opresor Macamba a 'zogenaamd' bay y e Oprimido local a bira e Opresor mas malo cu historia e yega di conta. Aruba ta un Isla di nepotismo y mafia local, unda oligarquia ta purba di somenta e poblacion y manera e temponan aya di e Cesares e Pueblo ta hanja junk food, entertainment, alcohol, droga y prostitucion pa entretene su mes mientras e pandiyanan na mando ta chica e 'caha di Pais' y portmoney di Pueblo. Si abo ta feliz Tonito ta bon, un demente por ta semper feliz of semper amarga y abo ta esun promer, pero Tonito, Pueblo ainda ta full na tino y pesey e ta keha tur santo dia!
,
June 27, 2012
...
Un artic*lo importante, cu ta denomina exactamente e realidad amargo cual nos ta bibando actualmente. Un negativismo matando tur bon iniciativa, tur idealismo cu ta indispensable pa nos como pueblo mester tin pa nos por sobrebibi y pa ta felis. E mal influencia cu esaki lo por tin riba nos hubentud no por wordo cac*la na e momentonan aki segun mi. Pero e lo mester ta psicologicamente fatal in the long run, mescos cu e efecto negativo riba muchanan cu ta creciendo den famiyanan kibra. Un sociedad tambe ta un famiya grandi den cual mester reina pas y trankilidad, cu actualmente na Aruba nos no tin. Nos por wel tin nos Status Aparte, y cu esaki ya lo ta e garantia pa nos felicidad y trankilidad. Sin embargo esaki no ta tur cos. Hopi of casi tur cos tambe ta depende di nos mesun mentalidad. Kiko ta nos idealismo y nos determinacion pa tuma bon iniciativanan pa logra esaki. Y manera mi a bisa na cuminsamento caba ta juist e negativismo reinante ta kibrando tur idealismo y bon iniciativanan.
,
June 28, 2012
...
Pero e negativismo aki ta bon determina! E tin nomber y fam! Pero e problema ta, cu si bo tin e ardor di touch esaki, bo ta hanja mesora e etiketa di ta partidista geplak riba bo frenta. Bueno pa cuminsa e ta un problema politico. Na ARUBA desgraciadamente nos tin cierto di nos mesun hendenan cu ta kere cu nan lo tin un cierto ,,erfpacht,, riba tur cos cu ta conserni nos Status Aparte: Ta nan lo a bin cu ne na promer lugar, ta nan lo a logre den un ,,lucha yen di sudor, lagrima y sanger,, y ta pesey tambe, cu ta nan lo ta e uniconan cu tin e ,,derecho sagrado,, pa keda cu e poder politico di e isla den nan man eternamente. Wel shonnan, ta pesey tambe ta dificil pa awe nan traga e derota cu nan a sufri na september 2009. Hamas y nunca nan por a biba pensa cu ta nos mesun ,,c*lto y digno,, pueblo a duna un cara bow electoral. Pa esaki awor nan a coy vengansa riba e pueblo. E vengansa ak tin 2 aspecto.
,
June 28, 2012
...
Na promer lugar nan kier keda ,,pest,, e pueblo constantemente cu nan negativismo, y na di dos lugar tambe nan constantemente ta relativando tur loke e partido cu a gana eleccion ta ehecutando na proyectonan. Pues bagatelisando e partido cu pueblo a escoge. Conciente cu lo ta hopi dificil pa bolbe coy mando por medio di un proceso electoral normal, nan ta tramando constantemente un plot, un ,,segundo caso di racetrack,, den cual nan por bolbe overrule gobierno manera nan a haci den pasado. Nan kier trece un kiebro entre gobierno y su sostenedornan. Ta pesey tur cos cu e gobierno haci NO ta bon! Niun proyecto lo ta viable. Di nan mes nan no ta bin dilanti cu algo concreto. Y cu nan mentiranan te hasta nan a perde geful: Gobierno lo a pone 3000 hende riba payroll como ambtenaar, gobierno lo a importa 15000 Haitiano, etc. Enfin nos por hari, pero e cosnan aki in the long run lo por tin su consecuencianan grave pa ARUBA! El tiempo lo sabra!
,
June 28, 2012
Duna Comentario y/of Comparti riba Social Medi |
Mustra/Kita e formulario di comentario
