| Parlamentario Booshi Wever: Propuesta pa taxista den nececidad "verhuur" su vergunning |
 |
 |
| Saturday, 30 June 2012 14:57 |
|
E motibo pakiko varios taxista a acerca mi persona, ta pasobra cu den pasado mi a yega di propone un cambio den e ley di transporte publico (taxi), cu por cierto a pasa tambe. Pensando riba nan preocupacionnan, mi a bin riba un idea cu lo por sirbi pa alivia e dolor di e grupo di taxistanan aki, di kende hopi lo por traha te cu un edad hopi halto, pa despues cay drasticamente den nan entrada. Considerando cu aki un par di aña mas, tur ciudadano aki na Aruba lo bay tin 2 pensioen, esta 1) e A.O.V. , y 2) e pensioen obligatorio di trabow, mi lo bai traha riba un proposicion di ley iniciativo pa trece un cambio den e ley di "personenvervoer", cu ta permiti e taxista, pa ora cu e yega e edad di pensioen, of den e caso cu dokter determina cu e no ta apto mas pa e sigui eherse e trabow di taxista debi na edad, salud, bista, etc.,etc., of si pa un motibo of otro e keda incapasita door di un accidente, etc., etc., e lo por "verhuur" su permiso sin ningun restriccion, y pa tempo indefiní te dia cu e fayese, pa di e forma aki e tambe por tin un entrada adicional manera tur otro ciudadano riba nos isla ta bay tin, y no depende di A.O.V. solamente. Esaki hunto cu nan AOV, lo por trese pa e taxistanan un entrada adicional, cu nan por biba dignamente di dje, y ademas lo por duna trabow na un otro persona, cu tambe lo bay aporta na caha di gobierno pa medio di belasting. Mi no tin duda cu Parlamento lo sa di para 100% tras di e propuesta aki. |
Mustra/Kita e formulario di comentario
