|
Brazil Taekwondo Stichting a sali best team den e di 13 International |
 |
 |
|
Sunday, 01 July 2012 15:32 |
|
Diasabra 30 di Juni e atletanan di Brazil Taekwondo Stichting por poco a kita e dak for di centro deportivo Frans Figaroa. E team di Brazil Taekwondo Stichting cu tin e lema di "train hard, fight smart" ta dunando su fruto. E atletanan a bin bon prepara pa ken cu ta. Aki no tabata trata di faha, peso of haltura.
Tur cu a para dilanti e atletanan di Brazil Taekwondo Stichting a mira e streya di nort. Brazil Taekwondo Stichting a participa cu 15 atleta di cual 7 a bringa pa e best team. E 7 atletanan cu a bringa pa e best team tabata: Rasheed Lowe, Hakeem Lowe, Jendrique Gumbs, Micheal Noel, Pascual Brown, Jourde Klaber y Zahyon Klaber. Di e 7 atletanan ta solamente Micheal Noel a perde contra di Estrella kende por poco por a mira e streya di Estrella. Tur scol di Taekwondo a bin bon prepara hasta Venezuela y St. Maarten a bin bon prepara pa e evento di Tiger Taekwondo Academy, pero Brazil Taekwondo Stichting tin un tactica di bringa awor cu ta hopi "smart". Brazil Taekwondo Stichting kier a gradici e 3 coachnan cu a coach e 15 atletanan di Brazil Taekwondo Stichting kendenan ta: Jervis Lowe, Clifford Rasmijn y Robert Giel. Brazil Taekwondo Stichting ta cla pa diasabra awor dia 7 di Juli pa e Aruba Caribbean Cargo Taekwondo Cup cu ta tuma lugar den Centro di Bario Brazil.
 |
Mustra/Kita e formulario di comentario
