| Cu e auto nobo di polis por haci cu e trabao di e agente por bira mas facil riba caya |
 |
 |
| Sunday, 01 July 2012 15:20 | ||||||||||||
|
Minister di Husticia, mr. Drs. Arthur Dowers, ta sumamente impresiona cu e auto nobo cu a keda adkiri pa Cuerpo Policial. Segun e Minister, e proceso aki ta uno cu a dura largo y ta comprendibel, pero no tur ora tin e compresión p’e. Awe, ora cu mira e resultado di e trabao, lo por bay bin mas auto cu lo wordo presenta na comunidad dentro di algun siman, e minister a splica. Polis ta hayando un instrumento importante pa traha cune. Vooral den e parti di surveyance. Banda di esey, loke tin riba dje, ta aumenta e parti di seguridad, e parti di presencia di polis, e parti ora trafico ta congestiona, cu polis por pasa. Awendia hendenan tin auto cera cu airco, radio cendi. No tur ora por scucha e sirena, segun e Minister. Esaki ta un producto cu lo contribui grandemente na servicio di nos Cuerpo Policial y di nos seguridad di nos comunidad. Ta un inversion grandi cu a wordo haci awo aki y e responsabilidad ta grandi pa cuida loke wordo presenta, e minister a remarca. Banda di e hecho cu ta haya instrumentonan valioso pa traha cune, e ta trece tambe extra responsabilidad pa e Polisnan. Tin mas polis na e momentonan aki disponibel, e minister a comenta durante e entrevista. Esaki ta autonan nobo cu ta bay haci e parti di surveyance mas tanto posibel. Nan ta bay ta hopi mas riba caya. Tin hopi mas auto cu a keda adkiri algun luna pasa. A adkiri autonan cu ta den lease. Eseynan Awor aki lo keda na disposicion di diferente departamentonan. E van di transport, conoci como dogcatcher lo bay bin bek, e minister a splica. E ta importante pa transporta personanan. Bo ta mira cu no tur ora e ta adecua pa transporta mas persona. Ora ta necesario ta transporta den esey. Por a mira tambe cu tin bes ta aresta mas hende y cu e capacidad cu tin Awor aki cu MA, e hondenunit brigade, por aresta gruponan mas grandi pareu y e ora ta importante pa tin e facilidadnan ey cu por move cu esnan cu wordo deteni, sea cu ta personanan cu ta sospechoso of cu ta envolvi den cualkier cos cu ta robes, segun Minister Arthur Dowers.
Comentarionan (2)Mustra/Kita comentarionan ...
mienstras polisnan ta hanja tantu na tantu auto nobo,,, ki ambulance ta hanja? ambulance nan autonan ta den mal kondishon niun nan airco traha dechi ,,, autonan afgekeurd so nan ta hanja
,
July 01, 2012
...
E ambulancenan ta wordo usa masha hopi mes y te rekeri un compania cu tin experencia cu e tipo di autonan aki. Aki na Aruba e ambulancenan ta wordo mantenti door un lugar cu ta spuit auto y cu no tin e aprobacion di e fabrica cu ta traha e ambulancenan. Tambe a introduci un sistema cu e trahadornan mester bai post Waya, warda ora nan colega bin cu Ambulance eynan pa cambia warda. Aki ta caminda cu e ambulance lo jega su dia mas liher cu normal. Mi no sa dicon a introduci e sistema aki cu no ta cuumini e autonan. Lo mejor ta pa cada personal bai na e post corespondiente unda e tin cu subi warda. Tambe minister a usa placa di otro departamento pa a adkiri e bus di salud. Mi no ta compronde unda su prioridad ta pero segun ami no pa bida di hende. Ora buska ambulance nobo mester percura pa tin un compania cu MAG di traha riba nan y no ken cu ta. Ambulance dal para den spoed anto ta problema bo ta buska pa bo curpa.
,
July 01, 2012
Duna Comentario y/of Comparti riba Social Medi |
Mustra/Kita e formulario di comentario
