| Adele ta na estado di su prome baby |
 |
 |
| Monday, 02 July 2012 10:15 |
 E sensacion di momento, e cantante Adele for di Inglatera a confirma cu e ta na estado di su prome baby. E mes a post riba su blog: "I'm delighted to announce that Simon (Konecki) and I are expecting our first child together. I wanted you to hear the news direct from me, obviously we're over the moon and very excited but please respect our privacy at this precious time. Your always, Adele xx". E amigo di Adele, esta Simon Konecki ta un ex "investment banker" pero cu awo ta traha como CEO na e instancia caritativo Drop4Drop. A top'e na varios ocasion caba cu Adele, entre otro na e show di Grammy Award. Adele a haci su debut ora cu el a lansa su album na aña 2009. El a bende 22 miyon copia y a gana e premio di "Best New Artist" y tambe e "Best Female Pop Vocal Performance" durante e di 51 entrega di premionan Grammy. Despues di esey Adele a opera su garganta pa atende cu su voz. Pero ora el a regresa, el a lansa su mas reciente album cu ta titula "21". Cu e disco aki el a gana no menos cu 6 diferente premio durante e di 54 entrega di Grammy Awards. Algun di e hitnan riba e album aki ta "Rolling in the deep", "Someone like you" y "Set Fire to the rain". Prensa Britanico a skirbi cu e cantante a bira masha popular mundialmente pa su cancionnan romantico y tin biaha hasta di "kibra curason", pero awor cu e ta na estado por spera mas cancion alegre. |
Mustra/Kita e formulario di comentario
