| Tres miembro di Cuerpo Policial Aruba a cumpli 35 aña di servicio |
 |
 |
| Monday, 02 July 2012 14:48 | ||||||
 Riba dialuna 2 di juli 2012 Hefe di Polis,sr. Adolfo Richardson a ricibi tres Polis den su despacho pa reconoce y felicita nan pa nan 35 aña di servicio.Ta trata aki di sres. E.J. Comenencia, C.T. Bronswinkel y sr. R.C.R. Tromp. Sr. Comenencia ta vocero di Polis, sr. Bronswinkel ta docente na Scol pa Polis y sr. Tromp ta den team di mando di districto di Oranjestad, den e parti operacional.
Ademas di gradici nan pa nan añanan di servicio, sr. Richardson a scucha di nan mes tambe con nan a experiencia e trayectoria extenso cu nan a pasa den Cuerpo Policial y nan impresión di e situacion actual y tambe consehonan basa riba nan experiencia y experticio.Ademas di famia, otro coleganan y amigo tambe a invita sr. Richard Martus como ex miembro di staf di Cuerpo y oud-docent di e tres coleganan cu a felicita nan y deleita esnan presente cu su anecdotanan y consehonan valioso. Manera Semper sr. Richardson a corda tambe pa gradici e famianan pa nan sosten na e tres coleganan aki atrabes di e añanan ya cu e trabou di polis no ta fácil y ta exigi hopi di esnan cu ta hasi’e y di nan famia.Riba e fotonan adhunto por observa e coleganan y nan famia y otro miembronan di Cuerpo Policial Aruba na e ocasión menciona. |
Mustra/Kita e formulario di comentario
