| Diadomingo awor 8 juli 2012 Corporate Impact Ministries cu un grandioso 5k funrun & walk |
 |
 |
| Monday, 02 July 2012 15:03 | |||
 Diadomingo awor, dia 8 di juli 2012 Corporate Impact Ministries ta organisa nan “297 FunRun & Walk”. Esaki lo tuma lugar den bario di Savaneta cuminsando pa 5:30 pm na altura di piscina olimpico, bai direccion Isla di Oro y bin termina bek na altura di piscina olimpico, cubriendo e distancia di 5K. E distancia aki di 5 kilomer ta uno net bon unda henter e famia por participa activamente. Y pa e mas chiquito nan cu e distancia aki ta mucho hopi pa nan cana, bin cu nan stroller, bicicleta of cualkier otro medio pa transporta nan durante e careda/caminata aki. Tambe pa esnan cu ta praktica e deporte di core y cana kaba, esaki ta un bon oportunidad pa drecha nan tempo y prepara pa cualkier reto cu nan tin pendiente. Lo tin medaya pa e prome tres coredo y canado nan masculino y femeninoY pa tur participante lo tin oportunidad pa gana un di e bunita doorprize nan cu lo tin. E funrun & walk aki ta costa Afl. 5,= pa persona. Ticketnan ta wordo bendi door di miembro nan di e famia di Corporate Impact Ministries. Riba dia di e actividad tambe ta posibel pa cumpra bo ticket pa inscripi na e funrun/walk aki. E funrun/walk aki lo start sali pa 5:30 pm y registracion lo start desde 4:00 pm na altura di Piscina Olimpico na Savaneta. Pa cualkier informacion adicional por por tuma contacto na telefoon 748-3049 of 593-0264 of via email philemonastrel@hotmail.com
|
Mustra/Kita e formulario di comentario
