| Leadership, Public Speaking, Debate, Mi compromiso como Hoben cu Aruba |
 |
 |
| Monday, 02 July 2012 15:06 |
Fundacion Parlamento Hubenil Aruba ta organisando e aña aki un evento cu lo tuma lugar riba e dianan 10,11,12 y 13 di juli 2012 proximo cu ta bou di e nomber : Summer Courses 2012. E projecto aki tawata uno cu a wordo organisa aña pasa caba dor di nos Minister Hubenil di Educacion 2011 Rigmar Kock y e aña aki e lo ta den man di Minister Hubenil di Educacion 2012 Leanne Geerman. Summer Courses lo ta algun 4 di curso sumamente educativo, unda nos lo brinda e hobennan e oportunidad pa presencia diferente curso, entre otro Leadership Course, Debate Training y otro dos curso cu e aña aki a bin nobo den e plan cu ta, Public Speaking y Mi Compromiso como hoben cu Aruba cu lo wordo duna dor di nos Minister Hubenil di Turismo 2012 Daniela Hernandez y sigur cu lo ta uno sumamente interesante. E actividad lo tuma lugar tur 4 dia na Universidad di Aruba, Aula (dilanti di postkantoor Oranjestad). E orario pa cu e cursonan aki lo ta 8:30 AM te cu 12:30 PM. Pa forma parti di Summer Courses 2012, mester ta entre e edad di 14 cu 23 aña. Tin di remarca cu cupo pa e grandioso evento aki ta limita. Participacion lo ta completamente GRATIS. Pa esnan cu kier forma parti di e grandioso evento aki ,por hasi un registracion cu lo ta necesario via nos e-mail cu ta ; summercourses@hotmail.com">summercourses@hotmail.com of tambe yamando na oficina di Fundacion Parlamento Hubenil di dialuna pa diabierna cu ta: 5886860/5833856. Pa mas informacion por tuma contacto libremente cu Fundacion Parlamento Hubenil via : Tel: 5886860/5833856 Facebook Page: Youth Parliament Aruba Website: www.parlamentohubenil.com
|
Mustra/Kita e formulario di comentario
