| CMB ta haci donacion na Mary Joan Breast Cancer Foundation |
 |
 |
| Monday, 02 July 2012 15:36 |
 Caribbean Mercantile Bank N.V. (CMB) Bo Banco Amigo..., durante e exitoso evento cu a tuma lugar diabierna cu a pasa, a haci un bunita gesto na tur nos hende muhernan. E biaha e gesto a bai dedica especialmente na nos hende muhernan cu ta sufri di cancer na pecho. Danki na hopi esfuerzo y dedicacion di un grupo di hende muher precupa y dicidi na ofrece ayudo y giua a forma e fundacion Mary Joan. CMB a tuma nota di e dedicacion di e grupo y con bon nan ta organisa y a dicidi di ofrece di yuda cu un donacion. E “Happy Hour for a Cause” despues di e Women in Leadership Conference, unda cu mas 750 di nos hendenan muher a atende, tabata e momento perfecto pa recauda fondo pa un causa. A pidi cada participante contribui cu 25.00 florin y CMB lo match esaki, esta haci’e double y tur placa lo bai pa Mary Joan Foundation. Na final di dia director di CMB, Javier Wolter, a anuncia cu e banco lo duna di su banda 20,000.00 no obstante cuanto hende atende e Happy Hour y asina un suma total di mas di 25,000.00 lo ser entrega na e fundacion. Dialuna mainta ainda donacionnan tabata drentando pa e causa aki. CMB kier a gradici Aruba Trading Company y Aruba Tropical Bottling kendenan a ofrece tur bebida gratis na e Happy Hour como nan contribucion na Mary Joan Foundation. |
Mustra/Kita e formulario di comentario
