| N.V. ELMAR confrontando mal comportacion di pago di clientenan |
 |
 |
| Thursday, 05 July 2012 14:57 | |||
 E consecuencia pa cu esaki ta cu N.V. Elmar ta hañ’e obliga na desconecta suministro di coriente te ora cu paga e cuenta atrobe. Un situacion no agradabel cu sigur ta perhudica e cliente y su famia. Ta bon pa clientenan realisa cu pa N.V. ELMAR ta hopi importante pa por conta cu e pago mensual di su clientenan, pa asina e compania tambe por cumpli cu su gastonan halto di operacion. Keda sin paga coriente ta hinca e compania den un situacion financiero dificil. Tambe e ta obstaculisa e plannan di N.V. ELMAR pa sigui desaroya su red di distribucion stabiel di coriente di calidad. Pa evita cu ta desconecta suministro di coriente, N.V. ELMAR ta ofrece solucion na su clientenan, den forma di un areglo di pago. Clientenan cu tin 2 of mas recibo atrasa por pasa libremente pa cera un acuerdo di pago pa asina cubri e retraso poco poco mientras cu ta cumpli cu e cuentanan coriente di tur luna. Pa cera e acuerdo aki, clientenan por pasa na un di e oficinanan di N.V. Elmar, situa na Oranjestad, San Nicolaas of Hato pa mas informacion of yama libremente na telefon 523-7100 of manda un e-mail na info@elmar.aw. Pa sirbi nos clientenan miho, N.V. ELMAR ta keda habri durante oranan di merdia, pues por pasa entre 12or y 1or di merdia na Playa y Hato. Tene cuenta si cu e clientenan cu ya tin un areglo di pago, no por haci areglo riba un areglo existente. Pa nan si e unico solucion ta cumpli cu nan pago y cu e areglo cu a cera cu e compania caba. Coriente ta indispensabel…….pag’e!
Comentarionan (17)Mustra/Kita comentarionan ...
Wanda pa un of otro motibo? Boso sa e motibo masha bon. Plaka no ta jega, 60 % di e peublo trahador mester biba di minimum loon. Otro nan sin trabau. Cuminda, transporte, ensenjanza carisimo. Bo sa cuanto plaka e school nan ta pidi e mayornan. Elmar ta hanja e corriente di Web, y ta cobra e pueblo suma nan barbaro! hende nan no por por paga boso prijs, paso nan lo keda sin come henter luna. TA tempo pa pueblo hanja un gobierno sociaal, y no un liberal, comerciante lovers maera nos gobierno. E pueb lo a worde bandona, laga na caya. Nos ta bayendo pa e situacion di "Survivers of the fittest" Wanda pa bin bisa cu no sa e motibo, pakiko e pueblo nota paga nan recibo di corriente ta hopi hipocrita. Tur hende sa pakiko!
,
July 05, 2012
...
Esaki ta un senjal cu tarifa di brandstof clausule ta halto ya cu esaki te e componente mas grandi di e recibo. Ta di lamenta di lesa cu asina mes cu Elmar ta consiente cu e pagonan no ta manera antes y cu e areglo di pago ta un solucion temporario, cu NADA ta wordo hasi pa trese stabilidad pa Elmar y tambe pa e clientenan.
Envez di areglo di pago mester re calc*la e brandstof clausule pa hacie mas atractivo pa clientenan paga nan recibo manera mester ta!!
,
July 05, 2012
...
Wanda, e contesta ta hopi simpel.....e salario astronomico cu ABO tambe ta e costando e compania c.q. pueblo!!! Y pa support Utilities NV pa cual e gastonan a subi den miyones compara cu e gobierno anterior. E gobierno anterior a tene cuenta cu e pueblo prome y no e capitalista!!
,
July 05, 2012
...
Elmar tin e brandstof-clausule na 38 ct for di augustus 2011, Gobierno a baha prijs di fuel como 3 biaha y ultimo mas di 10 ct
te ainda Elmar ta keto keto y sigui cobrando na e mesun 38 ct, WEB mes a ripara cu awor pa otro luna llo bai baha e prijs di consumo di awa. Elmar!!! fuel/Oil a baha drasticamente na Europa y USA y si keda asina otro luna ta bai haci 1 aña cu e Brandstofclausule ta 38 ct y dimes bo ta chupa nos cartera inhustamente.....
,
July 05, 2012
...
Mi ta convenci cu no por paga un recibo. (kwitantie; receipt) cu ta un comprobante cu e cueta/cobanza (rekening; invoice/bill) ta paga. (betaald, paid). Metemento di politiek de e argumento no ta trece un solucion pa por paga coriente!
,
July 05, 2012
...
mucho fiestamento cu placa di pueblo, e salarionan halto y ridic*lo, e 13de maand y hasta 14de maand, e profitshare cu nan ta haya , sin conta tur e otro beneficionan. tur e cosnan aki ta haci cu e corriente y awa nunga lo baha y e monopolio cu e companianan aki tin ta haci cu nan por haci e deshaci pasobra nan no tin competencia y nan por sigui abusa di pueblo na nan atoho y aruba te ainda no a conoci un gobierno cu "balls" cu por a para y stop e companianan aki di sigui abusa di e humilde pueblo.
,
July 06, 2012
...
Concierto di Juanes, Mark Antonie y otro concierto nan yen yen, wak e bar chines nan rond di Aruba tur siman ta yen yen y asina nos por sigi enves di cuminsa buska un solucion na cas pa baha e consumo di awa y coriente. Aruba ta politiek verziek, kada ves ta tira c*lpa ariba MEP of ariba AVP, no ta na Aruba so cos ta malo, ta rond di mundo cos ta malo.
,
July 06, 2012
...
mal comportacion????? ki estupidez esaki?? elmar ta kere cu mayoria di nos pueblo ta mal pagador???? NO ELMAR NO TIN PLACA PA PAGA!!!!!
,
July 06, 2012
...
Berdad ta cu e brandstoff-clausule ta i ta keda un oplichterrij.
Pero esaki ta e problema cu nos tien cu nos responsabilidad nan,kiko nos ta waak como e prome cos nan cu ta nos priorydad .tur hende ta haja tur sorto di manera pa por paga bo cuantanan asta e ta skirbi ariba den e artic*lo. Ami tawata gana e minimumloon mi sa kiko pobresa ta mi a bibe,Pero nunka mi no a lubida kiko ta mi priorydad nan.
,
July 06, 2012
...
Wanda, of mihor bisa Elmar, e comunicado aki atrobe ta mustra con arrogante boso ta.
1. “PA UN OF OTRO MOTIBO”, boso ta un compania na Aruba? Claro cu boso ta biba den un nivel super halto cu e salario barbaro nan cu boso tin y no ta ni realisa cu e resto di 99% di poblashon di Aruba ta luchando tur luna pa por cubri nan gasto nan. 2. “CUMPLI CU SU GASTONAN HALTO DI OPERACION”. Aki boso mes ta confirma cu e gastonan di operacion ta halto. Esei ta loke boso mester cuminsa baha. Hopi facil pa pone cuchiu na garganta di e consumidor door di menasa nan pa desconecta suministro di coriente. 3.“RED DI DISTRIBUCION STABIEL DI CORIENTE DI CALIDAD”. Puro PR. Wanda, mi sa cu bo ta un persona di marketing, pero sea realistico. Publica cuanto biaha corriente a bai e anja aki so. Y con ta para cu e deposito cu politico nan a priminti di kita? Unda e placa aki (cu ta di nos) ta y kiko ta wordo haci cune? Con ta para cu e detailed forensic audit onderzoek cu politico nan a priminti?
,
July 06, 2012
...
BAHA GASTO. Waak e ultimo potret. Logo di Elmar riba mug y pen cu holder luho. Pakiko? Cu ken boso ta competi?
,
July 06, 2012
...
Si boso sigui horta pueblo asina, bo ta kere cu e comportacion di pago lo mehora? Bo puesto mes, cu tbt innecesario, ta nos pueblo ta paga. kico tin di marketing na elmar? bo ta haci marketing pa un compania gana placa of no? den e caso aki di elmar ta pa horta nos, cu e tabel y formule di brandsofclausule cu ta e atraco riba pueblo, ta haci cu coreinete no ta indispensabel!!
,
July 06, 2012
...
Bo tin tur bo razon, Elmar su gastonan di operation ta mucho halto incluyendo bo salario astronomico. Bo ta gana 8 biaha mas cumi y ami tin cu paga e mesun brandstof cluasule cubo. prijs pa bari a baha mas cu mitar caba y ainda boso ta cobra e mesun brandstof clausule. Boso ta ganando dubble en dwars ariba cabez di pueblo. No bin ansha hende cu boso gastonan halto pasobra esei no ta nos problema. Stop di rip of pueblo y tur hende lo paga nan cuenta na tempo.
,
July 06, 2012
...
Elmar e simple motibo si coriente ta barata tur hende por page, pero bo ta abusando cu e tarifa baha brandstofclausule y bo ta wak cu tur hende por paga nan recibo. Ami mes a hanja un reciBo di 896 florin mi consumo di corriente ta 275 y e resto ta brandstofclausule saka bo som. E brandstofclausule ta paga salario di e trahador cu si ta biaha tur anja y kana luja tur caminda Anos no por paso e plaka no ta jega. Habri wowo shonnan
,
July 06, 2012
...
No bin tira c*lpa ariba hendenan cu a bai concierto, pasobra tur tbt turista segun Otmar. Ela trece tur Aruba pa wak concierto, e resto tbt coordinadornan, complimentary tickets, trahadornan di e evento. Mare ami por a bai wak e conciertonan aki. Bo a wak pafor cuanto hende tabatin ta scucha concierto, pasobra nan no por a afford un ticket? probably not, abo lo tbt djodjo paden cu bo ticket por nada.
,
July 06, 2012
...
Tin varios razon:
(1) "Wanda, baha na awa, bo ta un abusador pa primi Pueblo asina duro e inhumano pa bo hanja bo salario astronomico di 12 mil florin (mas otro benificionan). Hudas! (2) e Otro banda di madeya ta cu 70% di Pueblo ta biba un bida di 'los laga bay', deroche di placa na happy hours, bebemento, drogadiccion, fiesta, paranda, comemento afor tur dia,etc. Biba na grandi sin placa? No tin prioridad mas den nan bida. (3) E damned brandstofclausule cu ta e piggy bank di nos gobiernonan, sacando e ultimo gota di sanger foi Pueblo su curpa pa nan fiesta, haci show proyect y paga friends & family. A bira tempo pa corta den e salarionan na Elmar y WEB, fire e boshi di INEPTONAN na Elmar, manda e gobierno INEPTO aki cas y reeduca Pueblo con pa biba un bida decente y ehemplar cu metanan nan dilanti y traha presupuesto mensual.
,
July 07, 2012
Duna Comentario y/of Comparti riba Social Medi |
Mustra/Kita e formulario di comentario
