|
Totto ta lansa campaña espectacular pa Back 2 School |
 |
 |
|
Thursday, 05 July 2012 16:56 |
|
Sin ningun duda Totto ta keda lansa campañanan super atractivo nos hobennan den e temporada di vakantie y alabes pa Back 2 School. Durante un conferencia di prensa, esnan responsabel pa e mercadeo di Totto tabata tin e grato placer pa anuncia e campaña di Back 2 School cu oficialmente a cuminsa awe 5 di Juli y lo termina dia 10 di September.
E campaña aki ta masha simpel mes. Cumpra 2 producto na cualkier di e establecimentonan di Totto sea na Playa, Sannicolas , Palm Beach of na un di nan distribuidor oficial, ricibi un bond y patras di esaki bo ta skirbi bo nomber y despues bo tin e chens pa gana un auto BYD.
Representante di BYD Luisa Monsalve tambe tabata presente na e conferencia di prensa y a vocifera cu pa nan, e ta cu hopi placer pa nan forma parti di e campaña di Totto, mirando cu e autonan BYD ta uno hopi economico, moderno y bo ta spaar hopi na gasolin. Luis a conta di su mesun experencia cu e mes tin un BYD, y cada 2 siman e ta yena Afl.65,- Tambe Luis Monsalve a elabora con nan mes ta bay yuda den e campaña di Totto. Cualkier persona cu cumpra un auto BYD, lo tin e chens pa gana un Gift Certificate di Afl.500 pa shop na Totto, y tambe pa cada 15 auto cu nan bende, nan lo regala uno gratis. Aruba ta keda cordialmente invita pa pasa na Totto pa haci boso compras pa Back 2 school.
 |
Mustra/Kita e formulario di comentario
Joana Alvarez cada dia te aprecios mas con tus grandes logros.Gina, cada esfeurso tiene un fruto, ya sabes keep it Up. Que tu si Puedes!