| Presidente di ATIA Ronald van Trigt: Interes di comerciantenan a surpasa nos expectativa |
 |
 |
| Thursday, 05 July 2012 19:29 | |||||||||
 E cantidad di comerciantenan cu a biaha for di Boneiro pa Aruba pa atende na e mision comercial riba e dos dianan aki a surpasa tur expectativa di e organisadonan. Presidente di ATIA, Ronald van Trigt, a sigura cu tanto for di Boneiro como tambe for di Aruba tin hopi apetit pa por inverti, pa yega na acuerdo y pa haci negoshi hunto. Esey riba su mes ta un bon comienso. “Nos ta expect cu pa ATIA y pa Aruba, di tur e biahenan cu nos a haci ultimo lunanan pa otro paisnan, cu tin hopi interes pa e status particular cu Boneiro tin. Mi ta mira cu si nos por yega na cierto acuerdonan entre Boneiro y Aruba, cu nos por haci uzo di Boneiro como e springplank pa Europa”, asina Ronald van Trigt a duna di conoce durante e “Trade Mission Bonaire-Aruba” cu ta tumando luga den Westin Resort. E mision y vision cu ATIA tin ta pa haci di Aruba e springplank entre paisnan Latino Americano cu tin interes pa haci negoshi cu Europa pero nos tin cu mira tambe si nos por crea poco sinergia hunto cu Boneiro pa nos logra esey na un forma mas eficiente y mas productivo. ATIA ta convenci cu nos comerciantenan local lo mira e oportunidadnan cu Boneiro tin pa ofrece awor. Camara di Comercio di Boneiro hunto cu ATIA por ta content cu e evento aki, cu a conta cu presencia di dos Minister di Aruba, cu presencia di Rijks Vertegenwoordiger di Hulanda na islanan BES, cu Presidente di Parlamento di Aruba y no menos di dos diputado for di Gobierno Insular di Boneiro presente pa e mision comercial aki. Organisacion di e evento no tabata posibel sin e sosten di e dos companianan Pricewaterhouse Coopers y di C.A.T.C, ambos cu operacionnan na Aruba, Boneiro y na Corsou.
|
Mustra/Kita e formulario di comentario
