Separa di sondea posibilidad nan entre Boneiro y Aruba comercialmente, durante e “Trade Mission Bonaire-Aruba” a logra cera un acuerdo tambe entre e dos islanan ruman. Representantenan di Gobierno Insular di Boneiro y di Gobierno di Hulanda ta na Aruba pa asina hunto yega na un acuerdo formal cu Gobierno di Aruba pa traha hunto riba un cantidad di puntonan di interes comun.

Prome Minister Mike Eman di Aruba y Diputado Burney el Hage di Boneiro a firma un "Acuerdo di Ruman: Aruba - Boneiro". E mandatarionan a representa nan islanan den firma e documento cu ta un expresion di bon boluntad, cooperacion y amistad entre e dos partnernan den Reino Hulandes. E firmamento a tuma luga diahuebs atardi na Westin Resort durante e “Trade Mission Bonaire-Aruba”. ATIA - Aruba Trade and Industry Association y Camara di Comercio di Boneiro a percura pa e bon promocion di e “Trade Mission Bonaire-Aruba” y tabata anfitrion di e delegacion Boneriano durante nan bishita cortico y intensivo di trabao. E miembronan di e delegacion bishitante a duna splicacion extenso di tur desaroyo y oportunidadnan pa comerciantenan y inversionistanan di Aruba na e isla ruman. Tambe tabatin oportunidadnan pa e delegadonan di Boneiro y partidonan di Aruba interesa pa sinta one-on-one y discuti posibilidad nan specifico. Den e acuerdo firma pa Premier Eman y Diputado El Hage ta stipula areanan unda cu e dos Gobiernonan y pueblonan lo explora diferente angulo di cooperacion riba diferente tereno. E areanan di cooperacion ta entre otro economia, entrepreunership, comercio, industria y mercado di labor; sostenibilidad y "economia berde" y gobiernonan, organisacionnan semi gubernamental y sector priva. Entre otro a menciona oportunidadnan pa "free zone", importacion y exportacion. E gobernantenan tambe a acorda cu por lo menos un reunion anual lo tuma luga entre e representantenan di Gobierno di Aruba y Gobierno di Boneiro y esunnan trahando den e diferente terenonan di cooperacion.

Comentarionan (3)

Mustra/Kita comentarionan

...

Boneiro cu a laga su rumannan (Aruba, Curacao, y Sint Maarten) na caya awor kier Aruba su cooperacion. Ban negosha igualdad di berdad y respet den e Reino Hulandes aki prome cu accepta cualkier deal di Boneiro/Hulanda. Ban kita BES-eilanden for di Hulanda y forma un bloke di negosacion den Reino.

Comandante en Hefe , July 05, 2012

• 
• +12
• 
• 

... , Low-rated comment [Show]

...

Awor ta serca di cas mes NL ta pone ordo. Nada di biahamentonan inutil pa Den Haag mas. Un buelo directo pa Bonaire mes anto cu un avion di un motor mes ta bon pa nos gobernantenan.... What a great turn of the Dutch Caribbean history.... This makes me smile....

tecla croeze , July 06, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi