| Talentoso Arubiano buscando oro durante Aruba Hi-Winds 2012 |
 |
 |
| Thursday, 05 July 2012 20:38 | ||||||
|
Hendrick Burgers un hoben Arubiano practicante di kite surfing cu e aña aki un bes mas ta competi den Aruba Hi-Winds, ta un di e favorito pa bai cu oro. Hendrick a cuminsa kite surf cinco aña pasa na Republica Dominicana y practicamente for di e tempo ey ela enamora cu e deporte aki. Su amor pa kite surf ta asina grandi cu tur dia e ta train y ta den awa 2 ora minimo. Su pasion, determinacion y talento pa e deporte di kite surfing a hibe na figura na e Jupiter Kite Invasion april ultimo y e tambe na e Pro Kite World Stop Tour cu a tuma lugar na Adicora, Venezuela. Aki Hendrick a competi pa prome bes cu e mihornan di mundo unda cu ela termina den top 20 di mundo! Manera ja menciona actualmente Hendrick ta participando den e competencia di kite surfing cu ta tuma luga na Boca Grandi y ta forma parti di e Aruba Hi Winds 2012. Esaki ta su di dos aña den e pro open division unda cu cu aña pasa el a finalisa na di tres lugar, e biaha aki e kier bay cu e medaya di oro. Hendrick Burgers ta un talento cu Aruba lo bai tende hopi mas di dje den futuro. Pa sa mas di nos talento Arubiano aki por subi Www.hb-kiteboarding.webss.com .
|
Mustra/Kita e formulario di comentario
