| Minister Michelle Hooyboer-Winklaar: Arte y musica no ta solamente hobby, pero parti di desaroyo completo di un persona |
 |
 |
| Friday, 06 July 2012 11:49 | ||||||
 E mandatario a expresa cu gobierno ta orguyoso di subsidia un fundacion cu yuda tanto hende desaroya nan talentonan y tin un funcion asina importante den nos comunidad. FDEC ta ofrece lesnan di arte y musica, pero tambe entre otro a yega di ofrece un curso di "Con pa traha un caha di orgel". Tur e lesnan di FDEC ta motiva y encurasha e conocemento di nos cultura, e uzo di talento natural y desaroyo di habilidad nan musical y artistico, entre otro pa medio di cursonan di pintamento. Minister Hooyboer-Winklaar a enfatisa con importante e rol di e fundacion aki den nos comunidad, unda cu e subsidio di gobierno ta haci'e posibel cu maestronan cualifica ta duna lesnan di nivel halto, pero e alumnonan ta paga un prijs sumamente rasonabel, en realidad casi por nada. Esaki ta haci cu e cursonan ta accesibel na un grupo mas grandi den nos comunidad y hopi hende ta haci bon uzo di e oportunidadnan cu FDEC ta ofrece. Arte y musica no ta solamente hobby, pero parti di desaroyo completo di un persona, Minister Hooyboer-Winklaar a expresa. Specialmente den caso di e alumnonan hoben, FDEC ta hungando un rol importante, unda cu mester considera cu cada hoben cu ta siñando musica of ta ocupa su mes cu arte ta un hoben menos ariba caya cu ta desaroyando su mes hopi positivo, el a expresa. El a añadi cu un biaha mas e alumnonan a asombra tur hende cu nan talento, e concierto cu e tabata presenciando ta uno excelente y ta un orguyo y placer pa un biaha mas comparti e anochi hunto cu FDEC. Sra. Hooyboer-Winklaar a conclui cu e anuncio cu awo FDEC tin un director nobo, den persona di sra. Vicky Arends ken ta 'fit' den e funcion aki hopi bon. Sra. Arends ta bon conoci di su funcionnan anterior, como director di Cas di Cultura y como miembro di management team di Departamento di Cultura.
|
Mustra/Kita e formulario di comentario
