Activiteitencommissie Directie Financiën (ACDF) a ser funda na oktober 2009 pa organisa actividadnan riba tereno educativo, social, cultural y deportivo pa asina promove “teamwork” entre e personal di Directie Financiën. Na april ultimo ACDF a termina su Siman di Salud cu un Caminata Gubernamental di cual parti di e contribucion ta bai pa un instancia caritativo.

Luna di juli 2012 ta e Luna Social riba e calender di ACDF unda e empleadonan di Directie Financiën tin oportunidad di duna algo bek na comunidad. Entre coleganan di Directie Financiën a recauda fondo y hunto cu e parti di contribución di Caminata Gubernamental, ACDF lo hasi donación na Fundacion Autismo Aruba.

Diahuebs 5 di juli 2012 na kantine di Directie Financiën, Directiva di Fundacion Autismo Aruba a duna e empleadonan un splicacion di nan meta como fundación pa cu nos muchanan y adulto cu tin autismo na Aruba. Alavez Presidente di ACDF, sr. Brian Croes, a hasi entrega di e cheque na Fundacion Autismo Aruba den nomber di tur e empleadonan. Esaki sigur ta un contribución pa Fundacion Autismo Aruba sigui eherce un bon trabou!

Esaki ta un bunita gesto y ehempel pa otro organización y/of compañía nan sigui yuda nos fundación nan na Aruba.

Comentarionan (0)

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi