| Christmas Town Expo, un Expo di Pasco cu MadCroMar NV ta organisa pa prome biaha na Aruba na Renaissance Convention Center. |
 |
 |
| Friday, 06 July 2012 14:19 |
 Un Expo manera Aruba no a yega di experencia nunca prome, ta loke bo lo por goza riba dianan 2, 3 y 4 di November proximo. Luho, elegancia mas ambiente y sabor di Pasco ta duna man pa crea un weekend di puro entretenimento den tur sentido. Esaki ta E expo unda bo por haña tur locual bo ta desea pa temporada di pasco y fin di aña bou di un solo dak. Companianan lo expone nan servicio y productonan manera, decoracion, articulo pa cas, asecorio, bisti pa homber y muher, ideanan pa regalo y hopi mas. Tambe por disfruta di shownan di moda di diferente casnan di moda, cu lo trece nan ultimo coleccion pa e temporada festivo aki. Union, paz, compartimento y sin lubida e parti spirtitual, ta locual e organisadornan kier ilustra durante e prome weekend di November pa asina bo por cuminsa sinti e cayente di Pasco cu ta na caminda.Un weekend unda Renaissance Convention Center lo keda domina pa e color den decoracion, moda, elegancia, musica y ambiente pa dunabo e sabor di con y kico pa hasi pa drenta den e mundo magico di Pasco. Durante e rueda di Prensa cu a tuma lugar na Aruba Renaissance Suites, tur medionan local a reuni pa haya sa mas detaye di e tremendo Expo aki cu ya caba ta generando hopi interes. E organizadornan tin un meta y esey ta di ofrece e mihor calidad, hunto cu nan sponsornan. Lo tin booth disponibel, pa esnan interesa pa expone nan producto y servicio, di cual organizadornan ta anuncia cu ya caba tin basta reserva. Ta bon pa menciona algun aspecto importante di e Expo aki manera e patrocinadornan, ta trata di empresanan di renombre manera Balashi cu su productonan participante Grey Goose, Chill, Dewars y Bacardi. Tiara Air cu lo dunabo chens pa gana premionan na porta, manera tickets pa varios destinashon. Pa mas información por tuma contacto na number di telefon 7437414. Tambe por bishita Christmas Town expo su page riba Facebook pa asina keda na altura di proximo desaroyonan. |
Mustra/Kita e formulario di comentario
