| Minister Oduber, Cuerpo Policial y Fundacion Hadicurari a yega na solucion pa cu situacion di piscadornan na Hadicurari |
 |
 |
| Friday, 06 July 2012 14:27 |
 Diabierna merdia na e clubhuis di Centro di Pesca Hadicurari Minister Otmar Oduber a reuni conhuntamente cu Alto Comisario di Polis, Dolfi Richardson, personal di Strandpolitie y directiva di Fundacion Hadicurari cu un grupo grandi di piscadornan. Minister Oduber cu ta encarga tambe cu e parti di pesca, a haya necesario pa yama e reunion aki rapidamente pa atende un situacion cu a presenta e siman aki y cu a resulta di ta uno di mal comprendimento.
Algun piscador a haya nan mes confronta cu but na momento cu nan tabata cu nan auto banda di e pier di Hadicurari. Nan a wordo bisa cu e practica aki ta prohibi pa ley, es decir, cu nan no por para nan auto riba beach. Esaki no a cay den bon tera serca e piscdornan, kendenan pa añanan largo a haci esaki, pa baha nan ekipo y despues para e auto otro caminda. Minister Otmar Oduber na momento cu a haya sa di e situacion aki a yama Alto Comisario di Polis pa mira con por atende cu e situacion aki sin cu e piscadornan ta wordo perhudica. Asina diabierna merdia nan a reuni y a yega na un comprendemento cu ta positivo pa tur partido. Alto Comisario a splica cu e practica aki ta prohibi pa ley, y cu pa e piscadornan por para (no parkeer) nan auto riba beach pa baha nan ekipo y retira e auto atrobe, nan tin mester di un ontheffing. Presidente di Fundacion Hadicurari, Nilky Kock a pidi si como fundacion nan por pidi e ontheffing aki poniendo nomber di tur piscador cu ta pertenece na e centro di pesca aki, algo cu a wordo acepta pa Alto Comisario Richardson. Minister Oduber di su banda a pidi comprension di Cuerpo Policial pa mientras cu e ontheffing keda cla permiti e piscadornan para nan auto riba beach pa baha y despues subi nan ekiponan, sin cu tin consecuencia pa nan, algo cu Cuerpo Policial tambe a acepta. Piscadornan presente a keda contento cu e solucion aki, mientras cu Minister Otmar Oduber y Fundacion Hadicurari a gradici cooperacion di Cuerpo Policial pa yega na un solucion pa cu e situacion aki. |
Mustra/Kita e formulario di comentario
y algo nobo pa aruba dus yate nan tambe.y ta bon pa ora di mal tempo tambe.
e ta just un sugerencia.