| Presidente di FTA Rudy Geerman kier sa kico ta pasando cu reapertura di nos refineria |
 |
 |
| Friday, 06 July 2012 14:36 |
 FTA a yama un conferencia di prensa caminda cu presidente di e sindicato Rudy Geerman a duna un relato tocante e cantidad di CAO cu FTA a firma caba, otronan cu ta cla pa firma y algun cu ta den negociacion cu tanto empresanan di sector priva como instancianan di sector publico. Geerman a bisa cu tin hende ta comenta cu nan no ta tende nada di FTA, y esey ta berdad pasobra e sindicato no ta biniendo mucho den prensa pa motibo di e cantidad grandi di trabaonan interno cu nan ta desplegando. E presidente di FTA a mustra su preocupacion grandi riba e hecho cu no ta tende nada mas di e reapertura di e refineria. Poco luna pasa tabata tin informacion pero e ultimo dos lunanan tin nada y esaki ta crea duda y un preocupacion inmenso cerca e trahadornan y FTA a bisa diferente biaha caba cu Aruba no ta prepara pa absorba e perdemento di un sector grandi y importante cu ta un fuente di trabao bon paga, cu un promedio di 25 pa 30 Florin pa ora cu ta mas cu loke e resto di sector laboral ta paga. Ademas e ta un golpi duro pa nos economia pasobra gobierno ta haya menos entrada. Rudy Croes a mustra e deseonan di FTA pa e refineria bolbe habri, pasobra tur cos ta parce di ta na banda di Aruba y mas ainda si Petrochina ta tume over. Venezuela tin un debe cu e compania aki di miyones di dollar y tin palabracion cu no full e suma nan lo paga en efectivo, sino un parti cu petroleo mes, mirando cu China ta un di e consumidornan mas grandi di crudo y e refineria di Aruba ta specialmente traha pa procesa e crudo Venezolano y si nos haya esaki e lo ta mas lihe pa yega p'e wordo procesa. Comentarionan (5)Mustra/Kita comentarionan ...
Wel, kiko nos mester conclui, si ta bin un hotel na Sero Colorado cu bista riba area di refineria???
,
July 06, 2012
...
Trankilo Bobby, Trankilo. Rudy,Bo mester sa pa awor cu e gobierno aki ta traha pa jega na solucion. Tempo ta esencial ora di caso nan grandi asina manera un deal miyonario. Tur dos partido ta sinta na mesa y negosha. Boso (sindicato) gusta sensacion, un pa dos ta core bai prensa pa pone presion. Stop hommmm...Te awe, Mi mester bisa cu mayoria di sindicato tey pa usa y strobe desaroyo. No bin cu bo ta traha pa e clase trahado. Boso ta traha pa MEP. PUNTO...Dikon bo no ta check un posicion riba lista di MEP. Nan ta busca hende nobo. Segun ami Besaril ta para den rij dia biew. Btw, respect pa OPPA y Magaly Brito. nan sa negosha y jega na mesa sin presion. 582-4900 ta number di bestuurskantoor, dal nan un call y check un cita pa 1. Wak con leeuw nan ta cu PETROCHINA y 2. PUNTRA NAN CON BO POR JUDA PA APORTA PA E RE APERTURA...Positivo Rudy...
,
July 07, 2012
...
Senor Geerman ta facil pabo hana sa kico ta pasando,Bai en blok cu tur e sindicato nan
conhuntamente cu e trahadornan di e Refineria dilanti Bestuurkantoor anto ey nan boso ta puntra e Minister kico ta pasando,Sindicato nan ta mucho keto boso ta duna e Gobierno aki di pensa cu no tin mucho interes den e Refineria. Ta pesey Presidente di STA a bisa bo bo ta drumi i ami ta pasa bai cu nan
,
July 07, 2012
Duna Comentario y/of Comparti riba Social Medi |
..............................................................llllllllllllllllllllllllllllllllllllllllllllllllllllll 
Mustra/Kita e formulario di comentario
