| Awor cu biblioteca su renobacion a caba, bukinan ta bayendo bek pa nan lugar |
 |
 |
| Friday, 06 July 2012 16:34 | |||||||||||||||
 Probechando di e temporada di vakantie, gerencia a dicidi cu e ta momento adecuado pa cuminsa trece e materialnan di literatura bek pa e principal cede situa den George Madurostraat.
Den un declaracion cu Astrid Britten, directora di BNA a duna, el a splica cu turn an materialnan a wordo treci bek pa nan sede principal. For di ey, e personal ta haci nan limpi, registra y wak den cual seccion nan mester bay. Ya caba e sala di estudio ta cla; igualmente seccion hubentud y ta trahando riba seccion di adulto.
Ademas di e trabou ariba menciona, falta ainda e parti di mediateca escolar y e piso ariba di Biblioteca Nacional. Pa ki dia nan ta cla, e directora no sa ainda, pero ta trahando duro pa logra esaki pa apertura di aña escolar nobo. El a enfatisa si, cu nan ta depende hopi di otro instancianan, por ehempel pa nan sistema di automatisacion cu nan mester spera riba e departamento di DIA. Na momento cu a recoge tur cos pa e trabounan di renobacion di BNA tuma luga, a warda tur buki den caha cu su seccion tin un color y awor e 25 trahadonan di BNA ta sacando tur e material pa evalua cual ta keda y kico mester deshaci di dje. Por ehempel na e momentonan aki nan ta sacando 127 caha di “romans” y casi 500 otro caha mas di buki di adulto so. A wordo splica cu ta trahando pa finalisa di pone e bukinan cu mester bay abou prome y djey tur hende ta bayu traha ariba. Na momento cu tur cos ta cla, e ora por pensa pa habri e portanan bek.
Un di e cambionan cu a haci ta cu servicio di mediateca escolar cu tabata ariba, a baha pa unda “binderij” tabata y e ultimo aki a wordo poni na e piso ariba. E centro di informacion servicio digital cu e computernan c u ta disponibel pa publico, a wordo hinca awor paden den e seccion di Arubiana.
|
Mustra/Kita e formulario di comentario
