Den conferencia di prensa Rudy Geerman, lider di FTA a duna di conoce cu nan a manda varios resolucion pa gobierno, y specificamente a menciona tres cu ta riba e proyecto parke mulina Urirama, Hard Rock Hotel y e pension general.

Rudy Geerman a bisa riba e proyecto Urirama cu esaki no a bay corectamente, cu nan mester a envolve mas hende y acerca e habitantenan mas, y ademas discuti esaki den Parlamento pero ta parce esaki no ta e caso. FTA ta apoya energia alternativo y pa produci energia limpi, pero esaki no mester bay a costo di e trankilidad y salud di hende.

Tocante e construccion di Hotel Hard Rock Café FTA tin tur indicacion cu esaki ta bay cuminza pronto y aki tambe e ta sinti cu no tin participacion real y no a involucra e actornan pa haya conseho y trece dilanti kico mester tene cuenta den e proyecto aki. El a papia di e decision cu gobierno a bin cune pa no traha mas hotel pero pone mas atencion riba e calidad di nos turismo. Di otro banda e ta compronde cu un pais den progreso ta trece construccion acerca, y den nos region tin hotel di e red aki y nan prijs ta basta halto. No pasobra e ta pa hubentud mas tanto, kiermen cu nan tin cu bin haci bochincha, pero hecho ta cu tin un moratorium y riba esaki nan a manda un resolucion pa gobierno. Pa loke ta trata fondo general di pension FTA ta un di e promenan den rij cu a para riba cu mester bin cu un pension asina, pero e ta di opinion cu hopi trahador no ta realiza e balor agrega cu esaki tin pa nan, pasobra ta pa nan futuro.

Criticanan ta bin rond cu e pension aki a bin den un momento no oportuno, pero Geerman ta kere cu si warda te e momento ey bin e pension nunca ta bin, y el a papia riba e tempo cu e refineria a cera den añanan 85-86 y di e boom economico cu a surgi entre 1980 y 1990 pero cu no a yega na tur e clase trahador, solamente a yega na gobierno y empresarionan. E tempo ey ningun hende a bisa pa bin cu un pension, pesey e no ta kere cu aworaki mester sigui warda. Riba esaki tambe tin un resolucion pa gobierno pasobra nan a haci algo cu no ta corecto. El a bisa cu esnan cu ta cuminza paga un prima abao aworaki y cu nan edad ta halto no tin hopi tempo mas pa contribui pa acumula un suma fuerte, y tabata mehor si nan nor a haya un solo suma na momento di baha cu pension cu cual lo a haci mas cu si nan ricibi pa luna loke nan ta paga na prima, cu por ta solamente 50 florin.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi