| Kiwanis accion club di Canada y Caribe a otorga reconocimento di mas halto na president Ana Maria Tabares di sonrisa kiwanis accion club Aruba |
 |
 |
| Friday, 06 July 2012 16:38 | |||
 Kiwanis Club of Aruba a organisa un Accion Club pa adulto cu abilidadnan special na Sonrisa den januari 2010 pa duna nan un chance adicional pa desaroya nan talentonan y liderazco. E grupo aki a organisa fundraising manera anochi di pelicula y bendemento di soft drinks y snacks tur siman pa recauda fondo pa organisa e proyectonan cu nan ta desea. Ultimo aña nan a cuminsa cu e proyectonan pa entretene muchanan esaki tabata un exito completo manera buscamento di webo di Pasco cu un total di mas cu 100 mucha di Casa Cuna y dos grupo di muchanan di Sonrisa. Durante e eventonan di Accion Clubbers nan ta yuda cu placa y e snacks ta wordu prepara door di e miembronan mes y tambe bunita obra di man cu nan a traha a wordo parti na e participantenan. Accion Club a demostra cu nan ta bon ariba e caminda pa cumpli nan “motto” di e Club, “Development has no disability”. E trabao di e comunidad y e animo den e team di e miembronan a trece e reconocimento aki na Kiwanis Sonrisa Accion Club. Ariba e potretnan ta expresa e ambiente cu tabata tin di e evento y Accion Club president Ana Maria a ricibi e premio den presencia di su miembronan di directiva Jozef Tromp y Francis Tromp. Na unda sr. Prakash y sr. Ryan a otorga e premio aki. Kiwanis ta un organisacion global di boluntarionan dedica na cambia e mundo pa via di un mucha y un comunidad cada biaha y tin como lema: sirbiendo e muchanan di mundo. Kiwanis Club of Aruba ta activo den e comunidad Arubano desde 1965. Pa mas informacion di Kiwanis Club of Aruba y of su actividadnan por acudi na www.kiwanisaruba.org. Tambe por bishita e website di kiwanis Internacional na www.kiwanis.org.
|
Mustra/Kita e formulario di comentario
