| Pa mitad di Juli lo cera crusada di aeropuerto pa inicia trabounan di spiraal rotonde |
 |
 |
| Friday, 06 July 2012 19:05 |
|
E proyecto pa bini cu un Green corridor, a trece cune cu Gobierno mester haci cambio na diferente infrastructura. El a encera tambe construccion di un spiral-rotonde net dilanti aeropuerto, caminda cu e fluho di trafico mester wordo parti. Pero tambe e trabounan cu lo bay wordo haci riba ringweg 3, cu ta core for di airport te na Ing. Fatum, pasando den diferente bario - manera San Barbola, Tanki Leendert y Ponton - a haci e cambio aki necesario. Tanto e Green Corridor como Ringweg 3 lo bay ta camindanan di 4 lane. Esaki ta haci cu e crusada no ta apto pa handle e fluho aki. Mester a busca un solucion pa conecta e dos fluhonan aki y despues di basta consulta y evaluacion, a yega na e conclusion cu spiraal rotonde ta e miho opcion, bou di e circumstancianan. E rotonde lo bay tin un tamaño di 75 meter pa 100 den diameter. Den e proyecto cu a wordo otorga via destaho plan, a pone un sistema di realocacion di e trafico. Pa esaki ya caba a cuminsa haci limpiesa na banda di caminda. DOW a planea pa duna e contractista tur e espacio pa por traha durante seis luna largo riba e rotonde grandi aki. Den cuadro di esey lo habri un caminda, un poco pariba di luznan di trafico cu lo drenta Wayaca y hiba e trafico direccion di Playa y djey Noord of otro areanan. Di otro banda, pa e trafico cu ta biniendo di Playa y bayendo pariba, a habri un caminda cu ta pasa dilanti Brandweer y aeropuerto y na e restaurant Chines ta subi caminda grandi bek. Ta bay traha den e area aki un rotonde provisorio. Manera menciona, pa mey-mey di e luna aki mester tin e crusada cera pa e contratista por haci e midimento di e area di e rotonde. Despues lo reuni cu e companianan di e utilidad cu mester cuminsa cu nan trabou di realoca nan cablenan den e prome siman di augustus. Durante e lunanan di trabou, cu ta seis, lo haci uzo di tur e materialnan necesario pa yuda den un bon fluho di e trafico. DOW ta spera cu pa mey-mey di e luna e crusada grandi mester ta cera. Ing. Marlon Croes a bisa cu e situacion lo trece critica, pero e cambio ta pa bienestar di un y tur, sigur pa e proximo 20 añanan. Comentarionan (9)Mustra/Kita comentarionan ...
Mane mi ta wak aki ta e caminda dilanti mi cas so falta pa Gobierno sere tambe anto e ora mi no por bai ningun caminda mas!!!!! Shon nan mi ta compronde cu esaki ta un plan masha bieuw mes, pero caba un trabow y sigui pa e otro nan riba schedule. Elecshon ta otro anja anto ta asina cayente Gobierno a bira pa kibra tur cos anto laga tur cos na werki!!!!!! Come on!!!!!
,
July 06, 2012
...
Green Corridor no ta nada otro sino e plan di Henny Eman di vier-baans weg......mescos e projecto di tram (street car, trolly) tambe ta plan di Henny Eman cu su mesun jiu a basha abow.... cu e tram ta bin cueste loke cueste. So Aruba ta wordo goberna keto bai pa e mason, Henny Eman ,tras di cortina.
,
July 06, 2012
...
stop di keha pasobra e otro gobierno no a hasie nada 8 anja largo pa aruba. yena nan a yena nan saco cu placa di pueblo....
,
July 06, 2012
...
shonnan mi ta kere ta bira tempo pa un OTRO partido cu no ta AVP ni MEP. gana eleccion
,
July 07, 2012
...
No ta importami cua gobierno tey, gewoon e cos aki ta bai dimas! Tur caminda ta wordo sera parew, acaso tin un compania di helicopter ta bini Aruba? Berguensa, e cos aki mester wordo planea, ora mi caba cu esaki mi ta sigui cu e otro pa mi no stagna trafico. Awor caba mester sali trempan pa jega trabou na tempo, kiko e tin cu bira "sali mas trempan"?
,
July 07, 2012
...
Pica pa e ingenieronan di DOW. Nan ta esunnan cu tin di haci e trabou sushi di tur gobierno. Apesar cu nan sa cu un proyecto ta malo of super malo, nan mester ehecute toch.Apesar cu ta nan ta tin e experencia y experticio, nan no por habri nan boca bisa algo, pasobra nan pan ta na peliger. Nan por perde nan trabou. Manera e gobiernonan bisa, nan tin cu haci. Esta ridic*lo. Pero e realidad actual ta, serando camindanan tur parti di Aruba pareu ta meuestra cu falta di vision, organisacion, structura, supervision y planificacion tanto den gobierno como den DOW.
,
July 07, 2012
...
Si nan tin asina hopi cos pa hasi pa Aruba, duna nan 20 anja mas. Anto nos ta cla. !!!TRAHA BAI GOAL!!!
,
July 07, 2012
... Sigur sigur ta bai topa cu cosnan imprevisto atrobe. Lubida cu e rotonde ta bai cla na December. Ta temporada di awacero y si cuminsa yobe no por stop'e. Berdad caba cu un lugar y despues sigui cu otro. Ainda caya Milo Croes no ta cla ainda. Caya grandi tampoco. De La Sallestraat y hopi mas cu ta sera. Planeamento ta hopi importante.
,
July 07, 2012
...
Unda bo twt tur e ocho anjanan ey anto? Na aruba no por ta. bo mester a haya cos mescos cu e otro manera vrolijk, make him talk, dal ken, besselink etc, korda pa mi menshona esnan di sindicato cu mike a snoer nan de mond door di duna nan puesto. si bo kier waak Aruba bai bancarota , e ta kaba parcialpmente, sigui vota pa nan.
bai waak na Jaburibari e terreno cu Henny a podera di dje. Waak den bo cura prome, prome cu bo acusa otro,
,
July 07, 2012
Duna Comentario y/of Comparti riba Social Medi |
Mustra/Kita e formulario di comentario
