| Comision di Infrastructura lidera pa Marisol Lopez Tromp cu reunion fructifero cu DOW, MAMBO y Infrateam |
 |
 |
| Friday, 06 July 2012 19:05 | ||||||||||||
|
El a keda contento cu e presentacion basta detaya cu nan a ricibi tocante e trabaonan den Caya Grandi y e areanan alrededor, cual ta e situacion aworaki, e plannan y proyeccion pa e lunanan cu ta bin y kico e proyecto final ta bay bira. Un reunion cu e parlamentario ta mira como interesante y valioso na informacion, y cu tur lider di fraccion cu tabata presente por a haci tur pregunta cu nan tabata tin tocante infrastructura, por ehemplo riolering entre otro, kico e proyecto aki nifica pa comercio y hopi mas. Parlamentario Lopez Tromp su enfoke tabata riba e facilidadnan cu e ta spera lo bin pa recreacion di mucha pa asina e mayornan por bin di shopping mas trankil sin laga nan yiunan na cas. Esaki e kier mire na principio y na final di Caya. E asunto aki el a yega di trece dilanti den pasado ora cu e plan original a bin dilanti y cu semper a desea pa wordo incorpora den e proyecto. E ta considera esaki como un desaroyo cu mester sirbi henter pueblo y nos muchanan, mescos cu tin den otro paisnan rond di mundo. Mambo tambe a duna su input y nan a splica cu nan ta envolvi pa duna nan ideanan y nan a menciona cual ta nan preocupacion. DOW a papia tocante e fluho di trafico, cambionan cu ta bay bin, aspecto di riolering entre otronan unda cu lo bin cambio den e lunanan nos dilanti. Como un ciudadano cu tambe sa stuur den centro di ciudad e sa cu no por lora un skina sin trompica cu un baricada y el a haci yen di pregunta riba cambio y camindanan cera cu ta trece hopi iribacion y cu ta congestiona e trafico un poco mas. DOW a duna su splicacion riba esaki. Marisol a bisa cu aworaki no por mira progreso pasobra tin hopi cobamento, baricada, stof sin embargo DOW a duna un proyeccion con e ta bay ta aki algun luna na momento cu e etapanan keda cla. El por a compronde di DOW cu tin intencion pa cierto hotel bin eynan, mas condominio y vivienda pa atrae nos hendenan pa bin biba den ciudad pa asina trece mas movecion, y lo traha mas parkeo. Parlamentarionan a puntra riba e cambionan den ley pa loke ta trafico pa e proyecto aki bira factible. Den un proximo reunion e comision kier mira presencia di Minister di Infrastructura pa bin splica su parti den e trabao aki y su vision den henter e proyecto aki.
Comentarionan (3)Mustra/Kita comentarionan ...
Tanto papiamento ,pa kiko ,pa ken.Nada no ta cambia toch.E politico
su focus ta robes.Luga e focus ariba e pais no,e ta focus ariba su mes. E ta lubida ta con e wega di schaak ta caba. Samina boso tino y compara boso sinceridad ,anto djei wak si bo conoce nan cu bo ta bai traha cu ne. Laga bo sed pa poder para y bo ansia pa ta manda,sino traha cu amor y focus pa bienestar di e ser humano den su totalidad!
,
July 07, 2012
Duna Comentario y/of Comparti riba Social Medi |
Mustra/Kita e formulario di comentario
Tur ta papia y e ta keda na papia so tambe.
E tristo ta cu e meta mes tur ta wordo lubida.
Si nos politiconan por a focus mas ariba e hecho y menos ariba nan mes ,anto e ora nos lo cuminsa wak den un bon direcshon.Pero nos politiconan semper ta hambra y golos!