| Hangar nobo na Aeropuerto Internacional Reina Beatrix traha specialmente pa mantencion di avionnan di Tiara Air |
 |
 |
| Wednesday, 11 July 2012 17:45 | |||
 Recientemente a tuma lugar e soft opening di un di e hangarnan traha na e parti zuid di Aeropuerto Internacional Reina Beatrix cual a ser traha specialmente pa mantencion di avionnan di Tiara Air. Pa cumpli cu e demanda di entre otro Tiara Air pa tin hangar pa por hasi mantencion riba su avionnan Aruba Airport Authority N.V (AAA). a laga traha un hangar di 42 meter pa 45 meter na e parti zuid di aeropuerto. E hangar aki tin e capacidad pa wanta un avion te cu e “wingspan” di un Boeing 737-500 y un maximum “load” di un Boeing 737-400. E Boeing 737-300 di Tiara Air durante e soft opening a drenta sin ningun problema den e hangar nobo aki. E hangar ta equipa cu un sistema di paga candela consistiendo di sprinklers y di foam boa presion cu ta activa automaticamente den caso di candela. E tin officina, banjonan y diferente lugar pa warda piezanan. E areanan aki ta completamente aire acondiciona. E vloer di e hangar ta completamente cubri cu un seal special pa entre otro stof segun exigencianan internacional di hangar. Tur regla y tur exigencia di instancianan local manera DOW, DTI y brandweer a ser cumpli cune. E construccion di e hangar aki ta parti di e desaroyo di e parti zuid di aeropuerto. Ta trahando ainda entro otro riba acceso nobo di seguridad pa e rampa, y mudamento di oficina di Valero.“Esaki ta un momento berdaderamente historico pa Tiara Air y AAA, un adelanto espectacular den termino di facilidadnan pa parkeer avion y haci mantencion na Aruba y Aeropuerto Internacional Reina Beatrix. Pa medio di e facilidad aki Tiara por cumpli cu e normanan mas estricto di e regulador. Esaki ta unicamente e prome di bastante otro hangar cu lo wordo traha” señor Peter Steinmetz, CEO di AAA a comenta durante e entrega di e yabinan na Managing Director di Tiara Air señor Alejando Muyale.
Comentarionan (3)Mustra/Kita comentarionan ...
Mira lugar bunita ki pa hasi mantencion di avion ki....pero bo a mira techniconan presente na e ceremonia aki?????
,
July 12, 2012
...
Hancho pa nan smal pa otronan, pesey mes ningun otro airolinia no ta haja chance tur ta wordo boycotia door di gobierno, nan tin tur bendishon di gobierno y otro departamentonan di aviacion cu no chek nan bon ora nan ta
konkel cu motornan di avion y ta pone bida di hende na peliger, esey si gobierno no sa of ta hasi manera nan no so, sigi boycotia otro companianan no mas a cada cochino le yega su sabado envidioso.
,
July 12, 2012
Duna Comentario y/of Comparti riba Social Medi |
Mustra/Kita e formulario di comentario
