| Despues di a gana premio grandi di Mini Mega: Evelina Figaroa ta cla pa drecha su cas awor |
 |
 |
| Wednesday, 11 July 2012 19:12 | |||
|
Lotto, e loteria di Aruba ta contento di por anuncia cu el a haci un otro hungado feliz y a cambia su bida cu e bunita premio di Afl. 400.000,- den e sorteo di Mini Mega. E premio a keda subi te alcansa Afl. 800.000,- ora cu dos hungado a scoge e mesun numbernan. Evelina Figaroa di Noord no a hunga “Lotto Loco” sino a scoge su numbernan vast cu e tin algun tempo ta hunga caba. El a cumpra su Mini Mega siman pasa y diabierna a gana un “free ticket” cu el a uza pa e sorteo di diamars. Evelina a cumpra su Mini Mega na Lucky Bini Bini situa na Washington, na Noord. Su yiunan y nieta a compaña Evelina Figaroa pa reclama su bunita premio di Afl. 400.000,- cu awor el lo uza primordialmente pa drecha su cas. E kier traha un cura di cas y e resto pa mehora cosnan di haci den cas mes. Lotto, e loteria di Aruba, pa medio di su diferente productonan manera Lotto di Dia, Lotto 5, Mini Mega, Catochi, Big 4, Zodiac y awo tambe cu Wega di Number Kòrsou, ta recauda fondo y "Cambia Bida" di tanto su ganadonan y esunnan cu ta beneficia di e fondonan recauda pa nan deporte faborito. Apenas algun siman pasa Lotto, e loteria di Aruba a entrega un donacion di un miyon dollar na e comision di subsidio pa deporte. Asina periodicamente Lotto lo ta entregando donacionnan na e comision cu na su turno ta subsidia deporte na Aruba. Damaris Ridderstap di Lotto a entrega e check gordo na e feliz ganado den presencia di su famia. “Nos ta hopi contento di por haci un otro famia feliz y asina nos lo sigui cambia bida di nos hungadonan”, asina e ehecutiva di Lotto , e loteria di Aruba a duna di conoce.
|
Mustra/Kita e formulario di comentario
