| Lysander Besselink (AVP): Di e 4 biyon, solamente 721 miyon MEP por a hustifica |
 |
 |
| Wednesday, 11 July 2012 19:19 |
|
Maske cu mester añadi acerca cu den e articulo di contestacion di parti di partido MEP, solamente ta contesta 1 tercera parti di e totalidad di e pregunta haci, cual ta relata na e 4 biyon florin cu gobierno di MEP a ricibi durante nan 8 aña di nan gobernacion y esaki ta di lamenta. Den e articulo publica algun dia pasa di parti di e lider di e partido mep, ta splica cu partido MEP durante cu nan tawata na mando a aumenta e debe di pais Aruba cu 721 miyon florin den 8 aña di tempo y cu nan a uza esaki pa paga algun debe cu esaki. Ta parce cu ta e 721 miyon florin ey so nan por a hustifica for di e totalidad cu nan a adkiri durante nan gobernacion, cual ta suma na un total di 4 biyon florin. Loke cu no ta comprendibel ta, cu a pesar di a haya e caha di gobierno na 2001 cu un surplus, asina mes a dicidi di aumenta e debe di pais Aruba, a dicidi di pasa un sin fin di medida y ariba dje a chica placa for di companianan di utilidad. Pa re-capitula, Gobierno di MEP a ricibi for di Setar NV un suma rond di 100 miyon florin, for di Radisson Hotel aricibi rond di 75 miyon florin, for di Hyatt Resort a ricibi rond di 135 miyon florin, for di Plant nv a ricibi rond di 280 miyon florin, na 2002 a ricibi un bono rond di 300 miyon florin y otro mas na 2005 cu ta mas di 200 miyon florin, for di WEB NV cu Elmar NV a chika mas cu 253 miyon florin, cu medida di legesvergunning mas cu 1 biyon florin, cu medida di belasting a ricibi mas di 160 miyon florin, por medio di e famoso BBO cu nan a introduci nan a ricibi mas di 500 miyon florin. Pero e unico cos cu partido MEP por a defende su mes te cu Awor cu ne ta, cu a fia 721 miyon florin, pa paga algun debe cu pais Aruba mester a paga. Pesey mes cu e pregunta lo bira, acaso tawata necesario pa fia placa pa aumenta e debe di pais Aruba, asina mes cu adkiri algo mas di 3 biyon florin? No por a paga e debe nan aki cu e 3 biyon florin? Con MEP ta hustifica e resto di e placa cu a adkiri durante nan 8 aña di gobernacion? Esta e mas di 3 biyon florin, cu ainda nos no por a haya un contesta fructifero pa cu esaki. Acaso e pagador di belasting no tin e derecho di sa e berdad di kico a pasa cu tur e placanan aki? Pero a lo menos awor nos sa kico a pasa cu 721 miyon florin cu partido MEP a busca extra pa aumenta e debe di pais Aruba innecesariamente. Berdaderamente cu no por mira e logica pa haci mas debe si bo tawata tin mas cu suficiente placa pa reduci nos debe nacional cu algo mas di 40%, plus gobierno di MEP lo tawata tin suficiente placa pa renoba Aruba cu ne. Pues pueblo di Aruba mes por mira e diferencia entre e dos partidonan aki cual diferencia ta hopi grandi. Cu partido AVP e pagador di belasting por mira unda su placa ta wordo inverti y esaki riba un base amplio di transparencia y partido MEP ta simplemente ta completamente lo contrario. Atrobe, ta spera di por ricibi e resto di contesta di parti di es nan cu a haya 4 biyon florin den 8 aña di tempo pa splica unda e resto di placa a bay y nos ta spera cu pa e biaha aki nos haya un contesta completo y cu transparencia. Comentarionan (5)Mustra/Kita comentarionan ...
Pero mi ta confundi awor, meneer Besselink. Bo kier meen cu den e suma di 721 miyon ta inclui tambe si e sumanan cuantioso di papa & famiya? Of bo kier bisa nos cu e resto, esta e 3,279 biyon a worde djis usa pa ban bisa cende candela pa BBQ, enves di papel di corant bieu? Pasobra emberdad bo no ta mira na kico tur e placa aki a wordo gasta: Edificionan di gobierno nan a laga cay den otro, bestuurscollege na werki pa bende, gran mayoria di scolnan den ruina, nos careteranan unta cos di conta mes. Ta bira tempo pa pone un torch bow di nan stul pa nan bin duna cuenta! Esaki si yama fiesta!
,
July 11, 2012
...
At least MEP a contesta di con tin un deficit di 700 miyon den OCHO anja, abo no kier contesta di con bo a crea uno di
1 BIYON den TRES anja. Green giant mes por contestabo cu 90% di entrada di gobierno tawata bay pa gastonan fiho, e otro 10% por a inverti y asina mes a traha y renoba mas scol cu AVP, traha mas cas di pueblo cu AVP, mas caminda nobo, un ambulance nobo tur anja, material pa polis y tawatin menos criminalidad, material pa brandweer (ultimo auto a yega na 2009). Y tur esey cu 10 coordinador per minister, awendia tin 400 incluyendo abo.
,
July 12, 2012
...
Bo kermen cu nan a horta 3.279 biyon di pueblo? Anto tur mepista mester ta bon para awe. No acusa si bo no tin source pa back bo up. Bai Ministerio publico y hasi un denuncia, laga sera nan. Den 3 anja ja nos defecit ta un biyon. Sin conta tur e plaka cu ta drenta caha tur dia. Ta e gobierno aki bo mester questiona y puntra unda tur e plaka di pueblo a bai y pakiko nan a hinca nos den debe astronomico asina. Deel 721 miyon door di 8 anja bo ta hanja 90 miyon, ken Por maneha un pais cu 90 miyon pa anja? Na AZV so tbt bai 30 miyon pa anja. Hasi bo reken sommetje prome cu bo scirbi ridic*lez.
,
July 12, 2012
...
Lesando e artic*lo aki, y e otronan prome cu e la traha, cu e tin puntonan hopi valioso. Ademas di esey, no ta e mester bay OM, ta es nan cu ta sinti nan mes acusa inhustamente pasobra cu no ta berdad loke cu sr. Lysander ta trece pa dilanti, ta es nan cu mester bay corte. Ademas ta nan credibilidad ta na linea aki nan. Otro factor ta mustra, cu apesar cu mep a ricibi 4 biyon florin, nada concreto no a wordo hasi cu tur e placa aki y aki ta caminda cu berdaderamente mi ta puntra mi mes "kico a pasa cu e placa anto?" E gobierno aki te ainda y danki na dios no a introduci niun medida y asina mes bo ta wak un gran cantidad di cambio, dus mi ta kere cu e supuesto 900 miyon cu boso ta papia di dje te ainda ta na su lugar pa nan fia esaki. Mi humilde opinion personal
,
July 12, 2012
...
Un fam Besselink ta zona boerachtig of twentenaar.Un Arubiano ta cansa di wak cu abo tambe ta manera e Lorna ei cu ta papia manera un lora.Stop di c*lpa otro partido cu a jega di sinta sino bo mester c*lpa Tur...AVP,PPA,MEP bira adulto den bo standard beredenering nan/Awor nos tin di Focus cu e Gobierno cutin Awor> AVP mes tin di saca su mes y demostra su inteligencia politico cu su Nederlandse adviseur nan ei nan bo tin di wak pakiko tin nan anto?
Envoca pa nos hanja un info net pa nos por wak tur e uitgave's y inkomen nan di tur parlamento mescos cu Hullanda y cuanto tur adviseur Hullandes ta gana...Esei ta algo Democratico hacie...Biba Aruba...
,
July 14, 2012
Duna Comentario y/of Comparti riba Social Medi |
Mustra/Kita e formulario di comentario
