| Prome Minister Mike Eman: Hopi forsa y bendicion den e siguiente trayecto |
 |
 |
| Wednesday, 11 July 2012 19:10 |
|
Eman “17 hoben a traha hopi duro. A base di nan determinacion nan a crea un oportunidad nobo pa nan mes. Esaki naturalmente cu sosten di nan mayornan y amigonan. Nos tur presente aki por a mira hopi alegria y emocion riba cara di famianan cu ta asina orguyoso di loke a hobennan aki a logra. Nos tur aki ta testigo di un empeño grandi cu nan a cumpli cu ne durante cuatro luna largo cu ta encera ehercicio, con anda cu otro, lesnan den norma y balor, dedicacion na pueblo, na nan pais, na bandera di Aruba y stimacion pa otro. Tur e aspectonan aki cu ta haci un hende un bon ser humano a wordo cumpli cu ne”. Eman tambe mescos cu e mayornan presente ta orguyoso di e hobennan cu a haya nan certificadonan. “Biaha pasa nos a cuminsa cu un grupo di binti y dos e keda cu mas o menos 11 hoben y e biaha aki nos a mantene e grupo te na 17 hoben determina cu a sigui e fase aki y awe nan a wordo reconoci pa esey”. Prome Minister tabatin palabranan di elogio pa e hoben Schmidt kende a termina e fase aki como e miho graduado dunando asina un bon ehempel na e otronan. Mescos tambe Eman tabatin palabranan di gratitud y felicitacion na Capitan Werleman y MariniersKazerne, na representantenan di Reino Hulandes na Aruba cu ta sostene e programa, na señora Ras kende ta hefe di e seccion Sociale Vorming di Ministerio di Asuntonan General. Tambe na tur otro cu di un of otro forma a contribui na e hobennan. “Awe ta un dia hopi grandi, hopi bendicion y hopi forsa den boso siguiente trayecto ” cu e palabranan aki Eman a clausura su discurso cortico. Awor e hobennan ta bay Enseñansa pa Empleo na unda nan ta bay siña un ofishi y na mes momento core stage. Na final cu un diploma den man nan oportunidadnan riba mercado laboral ta mucho mas bentahoso pa nan. E Proyecto Formacion Social ta un cooperacion entre Gabinete Mike Eman, Ministerio di Defensa y Ministerio di Asuntonan Interior di Hulanda. |
Mustra/Kita e formulario di comentario
