Den un forma grandioso e bus di UNOCA, di e programa Arte Mobil, a haci su debut den e programa vacacional di BoBario dialuna na San Nicolas. E resultado: un exito completo. Un grupo grandi di mucha cu tabata hungando riba e cancha di basketball a wordo invita pa subi den e bus di Arte Mobil y cera conoci cu arte.

Un forma di expresa, pero na mesun momento pa cera conoci cu un proyecto grandi di Bienale cu ta wordo organisa e aña'ki na Aruba, manera Minister di Cultura Michele Hooyboer-Winklaar a splica. E mandatario tambe tabata presente pa debut di e Bus di Arte Mobil y a pasa cerca cada mucha pa inspira nan pa expresa nan mes via e tarea cu nan a haya for di Chibi Harms, diseña un letter di e palabra “arte Mobil” di e forma cu nan kier. “Esaki ta un proyecto cu nos ta poniendo disponibel durante e vakantie aki. Pa medio di e proyecto aki introduci arte den cada bario ... loke nos a mira awe ta un muestra di un tiki splicacion pa e muchanan tocante di arte, e beneficio y importancia di arte y kico ta un bienale,” e mandatario a duna di conoce e momento cu e tabata presente. Bienale ta un forma pa trece hunto diferente artista di un region, of mundialmente, pa intercambia arte, pensamentonan riba arte y esaki ta loke cu kier a splica e muchanan. Esaki den cuadro di e plan pa organisa e Prome Bienale di Aruba na fin di aña. “Esaki tabata un forma pa splica nan y duna nan oportunidad pa pinta, pa expresa nan instinto artistico riba papel. Na bentana di e busnan a pega papel di corant, riba cua cada mucha mester a pinta un letter di e forma cu e kier y decore of pinte na su gusto. Nan a wordo encurasha pa haci uzo di hopi color, pa expresa e arte. Minister Hooyboer Winklaar a keda masha contento cu e debut di Arte Mobil durante e programa vacacional di BoBario, ya cu su propio wowonan e por a mira diferente talento, muchanan chikito cu a expresa nan mes na un forma cu ta demostra esaki. “Nos kier desaroya y demostra cu cada un tin un talento. Bo no mester ta un Picasso pa bo por pinta,” e mandatario a expresa.

Comentarionan (1)

Mustra/Kita comentarionan

...

Leuk pa wak cu nos Ministernan no ta djis sinta den un oficina den reunionnan di trabou, pero tambe ta subi caya pa mira loke nan a traha riba dje y con hendenan ta ricibie

Charlaine , July 12, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi