Diaranson merdia Minister di Turismo, Transporte y Labor, Otmar Oduber a ricibi bishita di cortesia di Minister di Turismo, Economia, Transporte y Telecomunicacion di Sint Maarten, Romeo Pantophlet, hunto cu su delegacion.

Durante e bishita aki e mandatarionan a dialoga riba e establecimento di un Sint Marten Tourism Authority, unda cu Minister Pantophlet a pidi conseho y opinion for di Minister Oduber. Minister Pantophlet a bisa cu nan intencion no ta pa reinventa wiel y pa tal motibo a conversa cu Minister Oduber, kende a ricibinan calurosamente y pa cual e ta hopi agradecido. Minister Pantophlet a expresa cu Aruba su turismo y su oficina di turismo ta uno ehemplar, unda cu tur raport ta indica cu Aruba ta den bon direccion y cu e lasonan cu Aruba tin cu su stakeholdernan ta uno sumamente positivo. Intencion di Sint Maarten ta pa sigui e direccion cu Aruba a tuma. Tambe e mandatarionan a dialoga riba e cooperacion di Aruba pa logra e meta di hisa e nivel di transporte aereo di Sint Marten for di un di categoria 2 pa categoria 1. Sint Maarten a wordo baha di categoria debi na e relacion cu nan tabatin cu Corsow kende tambe wordo baha di categoria. Mirando e nivel ehemplar di Aruba su transporte aereo, Sint Marten kier firma un service agreement pa asina por sigui den Aruba su bon pasonan. Minister Pantophlet a expresa di ta sumamente contento y gradecido pa e oportunidad cu el a ricibi pa sinta cu Minister Oduber y pa e sosten ricibi for di e mandatario.

Comentarionan (1)

Mustra/Kita comentarionan

...

Ta e hendenan di MEP so no por wak e parti positivo cu ta pasando na Aruba, y si e turistanan no kier malgasta nan placa den casino ta nan derecho

Analyzer , July 12, 2012

• 
• -2
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi