|
Minister Otmar Oduber ta duna sosten na agricultor di lechuga local |
 |
 |
|
Wednesday, 11 July 2012 21:27 |
|
Recientemente Minister Otmar Oduber, kende tambe ta encarga cu Departamento di Agricultura, Cria y Pesca (Santa Rosa), tabata di bishta serca Rene Naar kende ta produci lechuga local.
Minister Oduber a expresa cu e metodologianan cu ta wordo usa pa planta lechuga na Aruba ta bira mas avansa dia pa dia y cu ta sumamente interesante pa mira e scala den cual ta produci y con ta purba limita e gastonan di awa y coriente. E mandatrio a keda impresiona pa mira con den 4 siman Rene por produci 2000 lechuga. Representantenan di Hyatt Hotel tambe tabata presente y a compromete nan mes pa cumpra fruta y berduranan cu tin disponibel for di productornan local, cual ta algo di elogia. Rene su plantacion di lechuga no ta situa den campo of riba un pida cunucu, sino mey mey di casnan den area pobla, mustrando cu ta posibel pa traha un plantacion di un nivel halto for di bo propio cas. Pa produci 2000 lechuga cu ta wordo bendi na 3.25 florin, ta paga 45 florin na awa via di e sistema di hydrophonics, unda cu ta fria e awa y laga esaki keda circula. E simiya di lechuga ta wordo planta via di reis, sin cu tin mester di pone esaki den santo. Despues di a mira e plantacion di Rene, Minister Oduber a haya e oportunidad di purba cosnan dushi cu Maureen Laaf Ras a traha cu frutanan produci localmente, cual a ribici elogio for di e mandatario. Minister Oduber kende ta duna su sosten completo na argicultura local a expresa palabranan di orguyo pa e plantacionnan local y a encurasha mas hende pa planta y produci nan mesun productonan.
 |
Mustra/Kita e formulario di comentario
E delito mas grandi di e dos Arubiano aki ta sirbi su pais y entrega nan conocimento
pa hiba e pais pa dilanti.. ... NUNCA MAS GEEL DEN E P AIS AKI !!!!! Danki Dios e lechuga
ta berde tambe !!!!!