| Argicultor local Rene Naar a ricibi bishita di Minister Otmar Oduber |
 |
 |
| Wednesday, 11 July 2012 21:03 |
|
Recientemente Minister Otmar Oduber tabata di bishita serca Rene Naar unda cu e mandatario a mira e produccion di lechuga local. Rene a conta cu e idea pa produci lechuga a cuminsa 1 aña pasa ora cu nan tabata buscando un cultivo sostenibel pa Aruba, algo nobo, rapido y diferente. Despues di a evalua e opcionnan e idea a cay riba hydrophonics y cultivo di lechuga cu ta keda cla den 4 siman. Mirando cu lechuga ta un di e berduranan mas usa, unda cu Aruba ta importa 2 container pa siman y ta un producto caro, Rene kier produci mas hopi posibel pa asina por bende na un prijs abou. E idea ta pa haci e produccion di lechuga uno mas grandi, unda cu na e momentonan aki hotel manera Hyatt ta cumprando producto local y den futuro lo por tin suficiente pa bende na mas hotel y restaurant. Na e momentonan aki Rene ta produciendo 2000 lechua cada 4 siman, pero tin e meta pa produci 10.000 lechuga y pa e motibo ey el a sigui expande su shade house. Minister Oduber a keda sumamente impresiona cu e produccion di Rene Naar, cual ta wordo haci na su cas den area residencial, demostrando cu ta posibel pa produci local y na cas. |
Mustra/Kita e formulario di comentario
