| Signarama Aruba a saca ganado di campaña di sticker |
 |
 |
| Thursday, 12 July 2012 12:02 |
 Durante henter e luna di juni, Signarama Aruba tabata tin un campaña espectacular en conexion cu e torneo di Euro Cup 2012. Como un compania conoci pa su servicio nan di printing y signs, Signarama Aruba a percura pa imprimi sticker di tur ekipo cu a participa na e torneo aki y a invita tur fanatico di futbol pa pasa busca e sticker di nan ekipo preferi completamente gratis pa asina participa pa gana un television LCD di 32 inch. Fanatico nan mester a simplemente plak e sticker riba nan vehiculo, saca un potret y pone esaki riba Signarama Aruba su pagina di Facebook. Na final di Euro Cup, Signarama Aruba a pone nomber di tur persona cu a participa na e campaña den un tombola y aki suerte a toca na Rudley Filiciana kende pa casualidad a plak e sticker di e ekipo campeon di Spaña riba su auto. Diabierna ultimo Signarama Aruba a haci entrega di e television Toshiba HD LCD di 32 inch na e ganado. Rudley a bai cas feliz cu su premio despues di a tuma informacion di e diferente servicio y producto nan cu Signarama Aruba tin di ofrece. Signarama Aruba ta gradici tur esnan cu a participa na e campaña aki y ta invita tur hende pa keda pendiente pa diferente otro promocion. Pa mas informacion por bai riba: facebook.com/SignaramaAruba |
Mustra/Kita e formulario di comentario
