Ahata conhuntamente cu CMB ta presenta:Smarter Online Marketing Seminar

Thursday, 12 July 2012 12:52

Diahuebs ultimo, AHATA conhuntamente cu Caribbean Mercantile Bank N.V. a anuncia un seminario exclusivo cu lo tuma lugar na Aruba pa un dia so. AHATA en conecion cu CMB N.V. a invita Oradornan internaciolmente renombra pa comparti nan expertisio y experiencia riba e tereno di mercadeo online cu nos comerciantenan local.

AHATA conhuntamente cu CMB lo duna bon bini na Susan Black; Vice-Presidente Ehecutiva di Travel Impressions/American Express Vacations como tambe e Chairperson di Eye of Travel Online Marketing Events. Previamente Susan a labora cu Libgo y CheapCaribbean.com.

Mauricio Lomellin ta e Vice-Presidente E-Commerce di Travel Impressions/American Express Vacations. Prome cu Mauricio a bira parti di Travel Impressions e a forma parti pa 15 aña di e compania Microsoft, mas recientemente como parti di e programa Bing Travel.

Dwight Soles; Director Senior di Cross Channel Innovation pa Travel Impressions/American Express Vacations. Mr. Soles ta un orador frecuente na conferencianan di mercadeo rond mundo.

E berdad ta cu awendia comerciantenan y esnan laborando den e ramo di mercadeo ta ser enfrenta cu un cantidad enorme di methodo y tactica pa comunica por medio di e diferente canalnan cu tecnologia ta ofrece. Tin ora e por asta parce imposibel pa compronde e logica di tur e opcionan cu e tereno di mercadeo ta ofrece nos y mas aun pa logra exito implementando esakinan.

E seminario aki lo enfoca riba trece nos comerciantenan local al dia tocante e ultimo desaroyonan y e mihor practicanan den mercadeo online pa e sector hotelero, servicio di hospitalidad y comercio en general. AHATA ta indica cu e meta di e seminario ta pa facilita informacion na nos comerciantenan riba con por ta mas efectivo y logra mas resultado usando e ultimo tecnologia y desaroyonan.

Topiconan cu lo wordo cubri durante e seminario ta inclui: calcula y midi e rentabilidad di bo inversion di e medionan usá como tambe e campañanan; determina bo posicion den mercado; e mihor practicanan y tactica den metodonan pa busca online, “Social Networking”, “e-mail” y “Mobile”; defini y midi e exito di bo negoshi; tacticanan inteligente como tambe campañan inovativo di e lidernan den diferente industria; crea un cultura di mercadeo inovativo y cu mehoracion continuo.

Caribbean Mercantile Bank N.V. ta enfoca riba e importancia di un evento manera “Smarter Online Marketing Seminar” pa nos isla. Teniendo na mente cu nos ta depende di Internet pa por comunica cu nos bishitantenan, proveedornan di servicio y/of otro grupo den comercio cu tin beneficio di e medio aki.
E ta di suma importancia cu nos ta al tanto di e potencial di mercadeo online y con nos por haci mihor uso di e potencial pa “network” cu e herment tin di ofrece. Ya cu e ta disponibel pa tur hende, tur caminda, na tur ora.

AHATA y CMB N.V. ta invita tur esnan cu ta activo den e mundo di turismo y comercio en general pa tuma parti di e oportunidad excelente aki.

E inversion den seminario, cu lo ser brinda pa un dia so, USD 200.00 pa no-Miembronan di AHATA, mientras cu exclusivamente pa miembronan di AHATA lo tin un prijs special y reduci. Pa mas informacion di esaki por tuma contacto cu oficina di AHATA na 582-2607 of cu Sra. Vanessa Rasmussen na Vanessa@ahata.com" target="_blank">Vanessa@ahata.com

Ademas, lo tin oportunidad ariba diabierna pa consultanan priva cu e expertonan invita. Lo tin un prijs adicional pa e “one-on-one sessions” aki. Pa mas detaye y pa reserva pa e citanan priva aki por fabor tuma contacto oficina di AHATA.

Marka e fecha! Diahuebs, 9 di augustus 2012 di 8.30 di mainta pa 4.30 di atardi na The Westin Aruba Resort & Casino.

Na final di e dia lo tin oportunidad pa netwerk durante un Happy Hour organiza pa Caribbean Mercantile Bank N.V.