|
Prome Minister Mike Eman a saluda Churandy Martina & Brian Mariano |
 |
 |
|
Thursday, 12 July 2012 13:11 |
|
Na yegada di Prome Minsiter Mike Eman na Aeropuerto Schiphol diahuebs mainta e alto mandatario di Aruba a topa cu dos atleta di isla ruman di Corsou cu lo representa Reino den weganan Olimpico na London fin di luna aki.
Prome Minister a duna nan un caluroso abraso y despues a sinta pa un intercambio breve. Churandy Martina a sa di gana dos medaya di ora den e Campeonato Europeo di Atletismo ultimo na Helsinki. E hoben atleta a destaca den careda di 200 meter. Hunto cu Brian Mariano y dos otro Hulandes a logra medaya di oro pa Reino den estafette di 4 biaha 100 meter. Si no tabata pa un infraccion den careda di 100 meter na Olimpiada di Beijing na 2008 Churandy lo ta ganador di medaya di silver awendia, titulo cu sigur e lo persigui na London. Ambos atleta ta sumamente orguyoso di representa Reino Hulandes y pues tambe Aruba. Pronto e atletanan lo ta di bishita na Aruba. Den nomber di pueblo di Aruba, Prome Minister Eman a deseanan tur clase di exito den e siguinte olimpiada.
 |
Mustra/Kita e formulario di comentario
