| Gobierno a apela na Valero y PetroChina pa acelera riba e puntonan cu falta ainda |
 |
 |
| Thursday, 12 July 2012 14:09 |
 “Nos ta hopi contento cu Valero ta wanta e empleadonan den servicio, pero mas e situacion tarda, menos lihe nos ta yega na e cifranan economico atrobe cu nos ta desea pa nos pais. Pa e motibo ey nos a enfatisa hopi cerca PetroChina y Valero pa riba e puntonan cu falta ainda, haci lihe riba nan pa yega na un acuerdo final. “ Loke cu Gobierno di Aruba a compronde, ta cu e temanan cu wordo discuti den e reunionnan, mester wordo presenta na e sede principal na Beijing. Y esaki ta un proceso un tiki mas intensivo, mas largo ta wordo cana pa tuma decisionnan riba e diferente temanan cu falta ainda. Sinembargo e mandatario ta spera di por sali for di e fase aki y cu e ta positivo. “Nos tin tur speransa cu asina e lo ta, pero tanten cu e no ta firma, nos ta keda semper den expectativa pa e resulta final concreto. Y esaki ta tene nos continuamente ocupa pa duna e “push” aki. Aworaki mes cu mi ta na Hulanda, mi lo pidi un cita cu e representante di China p’asina informe un bes con importante e cooperacion nobo aki cu China ta y kico e ta nifica den oportunidadnan nobo.” Gobierno ta duna su maximo empuhe pa un resultado positivo. Prijs no ta un discusion, ya cu tin un acuerdo caba riba esaki entre Valero y PetroChina. Premier Eman a splica cu tin biaha tin factornan cu por ta mustra chikito. Por ehempel tabatin hopi intercambio entre Valero y PetroChina riba e stock cu tin actualmente, na ki prijs e lo wordo bendi na nan. Tin temanan riba e responsabilidad pa cu medio ambiente, te ki momento e ta keda pa cuenta di Valero of ki ora e ta cambia. Y asina tin hopi mas tema di e tipo aki cu a keda discuti. Hopi biaha no ta temanan escencial, pero ta cosnan cu mester tin un acuerdo riba nan toch. PetroChina ta papiando pa cumpra e refineria completo, pues no ta papia di un parti so. Tambe tin e speransa cu nan por bini cu e sistema pa converti e LNG, inversionnan pa mehora e calidad di e refineria. Valero ya caba tabata traha riba plan intensivo di mantencion, y ta spera cu PetroChina lo sigui cu esaki. Cuanto mas Valero lo wanta, Gobierno no por bisa. Si t’asina cu e carga di e salarionan ta un peso. Pero di otro banda mientras cu no tin empleadonan mas, e perspectivanan pa un reapertura ta cambia, tanto den sentido di apoyo di Gobierno, pero tambe pa e interesadonan. Un interesado lo kier haya un refineria cla pa start. Pesey e apelacion continuo pa wanta e empleado ta ora cu yega na un decision final. “Valero a demostra un determinacion hopi grandi pa wanta e empleado y sigura cu un reapertura tin un mihor oportunidad.”
Comentarionan (3)Mustra/Kita comentarionan ...
Petro China is stom verbaasd dat een groot aantal werknemers van de directie nog in dienst zijn na een miljoenen grootschalige fraude zaak die tussentijd meer dan 3 jaren geleden aan de gang van orde zat. Petro China will absoluut niet kopen, terwijl dezelfde "players" nog macht hebben. In de tussentijd heeft Valero een miljoenen dollar zaak ingespand tegen de ontwerpers van de software SAP ? Ra Ra Ra, Hoe kan dit nouw ? Nog interesant is het punt dat ook de assurantie bedrijf de miljoenen scade moest betalen ! En nor erger de benadeelde partjen in het eerste ogenblik moesten ook betalen. Een schade van 1 gulden wordt drie keren uitbetaald ? En aan wie ? Valero Corp of aan bonus voor de directie?
,
July 12, 2012
... , minister kesha-camara di Aruba ta kere cu tur hende ta acompanjele den su tour di Grootheidswaanzin. Emannetje of mihor Geenmannetje, rustig, Petro China ta warda e resultado di e eleccion presidential venezolano na september. Kiko bo ta bay haci awor, bo ta bay buk mas pa bo lenga topa tera? Bo ta bay paga Petro China pa bin Aruba band'i tur e freebees cu nan a hanja caba? Bin bij chambon!
,
July 13, 2012
Duna Comentario y/of Comparti riba Social Medi |
Mustra/Kita e formulario di comentario
hopi grandi riba e decision di Petro China y esaki no ta solamente un
decision basa riba un calc*lacion comercial. E decision ta menos complica
pa Valero cu pa Petro China kende ta depende di e continuidad di contractnan cu
gobierno di Caracas...Tambe e factor geopolitico ta hunga un rol importante. Premier
Eman sa esaki perfectamente !!!!