Un pais sin desaroyo economico regular, ta un pais sin progreso. Un pais sin progreso ta un pais cu ta sigui cay den decadencia. Na 2009 Gobierno di AVP a haya pais Aruba den e fase di decadencia. AVP a drenta gobierno cu e meta pa lanta Aruba bek y pa hisa e calidad di bida di pueblo na un nivel unda cada ciudadano por sinta nan mes orguyoso pa biba riba e pida baranca aki.

Rond di Aruba tur hende por ripara cu diferente projectonan ta den e fase di caba, otro ta na mita y otronan a cuminsa. Inversionnan grandi a tuma lugar na Aruba den e infrastructura di nos pais y den nos hendenan desde cu na aña 2009 un Gobierno cu un vision amplio pa e pais a sinta.Den menos di 3 aña di gobernacion pueblo por mira cambionan grandi cu a tuma lugar den e infrastructura y pueblo por sinti cu e gobierno aki ta traha pa e bienestar di nos hendenan. Hendenan cu a wordo influencia negativamente door di oposicion di MEP pa cierto projectonan, awe ansiosamente ta warda pa wak e resultado final di e projectonan. Nos por imagina nos mes cu pueblo ta sinti iritacion ora mester desvia den trafico pero pueblo mester compronde tambe cu mehoracion di e producto Aruba no ta bin sin cambio. Ta mescos ora bo ta drecha bo cas.Tur cos ta mustra bruha na prome instante y hopi biaha e tempo cu a wordo calcula pa drecha e cas no ta cuadra y esey por trece hopi iritacion y frustracion. Awor nos ta papia di projectonan grandi cu nos pais ta experiencia y unda e resultado final lo beneficia nos tur. Un otro aspecto cu tambe ta hopi importante di tur e projectonan cu ta den desaroyo ta cu nos hendenan por haya trabou y yuda nan mes financieramente. Esaki tambe ta contribui na e economia di nos pais y pone cu nos economia ta crece. Tin hopi factor cu ta hunga un rol ora decisionnan ta wordo tuma pa inversionnan grandi tuma lugar. Na prome instante Gobierno kier crea oportunidadnan pa nos hendenan traha y na mesun momento Gobierno kier mehora e producto Aruba pa sigui atrae turistanan. E situacion aki ta un win-win situacion. Aruba a bira un ehempel pa otro paisnan den Caribe pa cu e projectonan cu ta tuma lugar y diferente instancianan manera Florida Caribbean Cruise Association ta aplaudi e hecho cu hopi ta wordo haci pa drecha e infrastructura den centro di ciudad y cu Gobierno ta inverti den producto Aruba. Turismo ta sigui crece, hasta durante di e “low season” barconan crucero lo sigui bishita Aruba. Nos ta pidi pueblo pa sigui carga pasenshi pa e cambionan cu por causa iritacion y pa hunto carga e responsabildad pa cu e innovacion di nos pais.

Comentarionan (1)

Mustra/Kita comentarionan

...

KI dia bo ta stop di papia ...no ta importa kwa bobierno a sinta y no ta tur ora nos mester wak bek patras pa busca excusa AVP tabata sa tambe den opposition kiko ta kiko toch.Awor no ta Mep so tin c*lpa Avp tambe.Y e parlamento nan tambe hende nan manera bo ta stroba so paso nunca bo ta trece algo nobo algo creativo semper ripiti manera un Lora...un con bo ta corda ta bo dikke pension of no...?Tur gobierno cu subi ta nan ta responsable pa loque nan ta campanja of haci...Si Mep tabata awor mi lo reaciona mescos paso ta un Arubano mi ta y mi kier wak mi pais den bon man politico color no ta importante...nos ta pide un internet di gobierno mescos cu Hullanda caminda un por wak di nos gobierno tur e uitgaven y inkomen nan di nos parlamento nan unta Democratico nos ta???

save your nonsense , July 13, 2012

• 
• +8
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi