|
Energia creativo na Museo Arqueologico |
 |
 |
|
Thursday, 12 July 2012 19:44 |
|
Vakantie grandi a cuminsa y Museo Arqueologico a ricibi e prome campsnan cu a participa na su programa vacacional: “Quest 4 Art @ NAMA” . E programa nobo aki ta stimula creatividad y e ultimo dianan por a sinti e energia positivo, genera den tur e espacionan di Museo unda e mucha y hobennan tabata participando.
Den sala di exposicion, “Budui” a bai cu e mucha y hobennan riba un buskeda di Arte di nos Antepasadonan. Nan a bati man y pia den sala di exposicion simulando e zonido di e ‘Tinklers’, nan a scucha e mama di “Budui” pa siña con ta decora potchi y a “studia” e pinturanan riba baranca cu tabata aparece den e cueba. Despues di a haci wega cu diferente potchinan “magico” y a siña tocante diferente colornan, a piki materialnan natural den hardin di Museo. Usando e blaachi mata, taki, piedra y simiyanan aki como stempel, e muchanan a traha bunita obranan di Arte cu verf. Pa Juli mas di 500 mucha di 12 camp a reserva pa ‘Busca Arte den Museo ‘caba. Museo Arqueologico tin espacio pa algun camps ainda na Augustus. Tambe gruponan di 10 of mas por participa na e programa vacacional. Por fabor reserva bo bishita di antemano via tel. 582-8979 of info@namaruba.org. Prijs pa participacion pa camps y gruponan ta: 10 pa 30 mucha ta Afl. 15,-, 30 pa 60 mucha ta Afl.25,- y 60 pa 80 mucha ta Afl.50,- y pa cada mucha extra ta cobra Afl.1,- adicional. Pa esnan cu ta desea pa bishita Museo riba nan mes den temporada di vakantie Museo ta ofrece e “Quest sheet” pa 1 florin. Museo ta gradici CEDE Aruba y Ministerio di Cultura pa nan sosten pa asina por tene e suma pa participacion asina abou. Museo Arqueologico ta habri di dialuna te cu diabierna di 10 am pa 5 pm, riba diasabra y diadomingo di 10 am pa 2pm. Actualmente Schelpstraat ta bou construccion pa e tram y e accesibilidad di Museo ta un poco dificil. Bishitantenan por parkeer riba e tereno banda di Museo cu ta accesibel via Emanstraat of na e parkinglot banda di bushalte. Busnan di camps por baha bishitantenan na cruzada di Eman y Emmastraat pa nan cana via e hanchi di Sport Caribe pasa Huisje Wild y Oficina di Monumento yega Museo.
 |
Mustra/Kita e formulario di comentario
