| Booshi Wever: Hunto cu coleganan minister De Meza y Dowers, por evita huida di Gonzalez Alvarez |
 |
 |
| Thursday, 12 July 2012 19:55 |
|
Te con leu e desinteres di e gobierno aki den bienestar di nos ciudadanonan por bay, ta ser demostra un biaha mas den e postura cu minister Otmar Oduber a tuma den e asunto di Fly Aruba. Click AKI pa lesa e carta. E minister den un palabra a duna su opinion riba e asunto aki: GAMBLE! “Ta boso mes a gamble, y boso a perde! Jammer, pero ami no por haci nada pa boso!” Y cu esey eigenlijk ela bisa cu pa E, e asunto a termina! (den bon Hulandes: en daarmee was de kous voor minister Otmar Oduber AF!) Tumando nota di e situacion penoso di TUR e empleadonan “from the horse’s mouth”, ta inacceptabel cu e minister, hustamente esun encargá cu labor, ta laba man den un asunto unda e trahador ta wordo perhudicá y castigá severamente! Pa trata na haya un clarificacion riba e situacion referente Fly Aruba y su (ainda) empleadonan, mediante Presidente di Parlamento mi a dirigi algun pregunta na minister Otmar Oduber, riba cua mi a pidi un contestacion por escrito mas liher posibel. Den e introduccion prome cu e preguntanan, mi a mustra entre otro riba e burla di sr. Gonzalez Alvarez contra nos husticia, ora e ta nenga di cumpli cu e dos sentencianan di huez pa paga e empleadonan nan salarionan di algun luna; e prome sentencia di dia 8 di juni ultimo (tratando e prome grupo) a dicta pa cumpli cu e sentencia dentro di 5 dia; e otro (13 juni 2012) tabata “uitvoerbaar bij voorraad”, pues inmediatamente! Un burla total di nos husticia pues, ademas di un crimen contra e personal! Na su turno, e crimen contra pais Aruba ta sintá den e debe di Gonzalez Alvarez na pais Aruba di algo mas di 1miyon na loonbelasting, primanan di AOV/AWW y di AZV, esakinan relacioná cu e sumanan cu nan (mester) a paga e personal durante e prome 5 lunanan di 2012; conta acerca e boetnan aplicabel, anto e suma ta yega te na 1miyon y mei!! E berguenza, y na mesun momento un otro crimen, lo ta si e minister di transporte, turismo y labor keda sinta man cruzá, y permiti Gonzalez Alvarez sigui burla di nos husticia, y bandona nos isla sin cumpli cu su responsabilidad. Pero, lo mas tristo ta e peliger cu un of mas empleado lo por wordo poni responsabel door di Servicio di Impuesto-SIAD pa pago di e suma astronomico aki! (esaki aparte di e gasto- y debenan di empleadonan cu cua nan no por cumpli, pio ora ta trata di hypotheek). Pa e preguntanan mi ta referi na copianan adhunto. Candelario A. S. D. – Booshi - Wever, Parlamentario Ciudadano Comentarionan (6)Mustra/Kita comentarionan ...
Bida dal buelta nan straño pasobra cuanto biaha boso nan di oposicion no a defende e persona aki y cu critica cu ta gobierno no ta contribui pa e compania aki por cuminsa bula pa caba. Un otro cos esaki ta hustamente e persona cu oposicion a defende pasobra bao di un otro nomber falso lo tawata un di e interesado nan pa cumpra Valero y cu nan lo tin differente refineria y barco nan di petroleo. Awor boso kier para grita contra gobierno mientras boso nan tur a sali na defensa di e persona aki. Esaki ta otro muestra di poltica barata di parti di oposicion y señor Wever.
,
July 12, 2012
...
Pa R.R. Ras, politica barata of no, e venezolano aki a tuma aruba i tur hende hasi i bai sin di por a pone para pa su acto nan. Esei ta tristo. Pero tur hende sa su ken e tabata tene man duro duro.
,
July 13, 2012
...
Booshi, den e mundo di aviation tin hopi cos mas ta hole bon stinki, bai busca i bo lo hanja sa.
,
July 13, 2012
...
For di cumisamento e compania no tabata hole bon, pero anyway esei ya ta pasado, mi comentario ta cu sentencia di juez no a prohibi e persona aki bandona Aruba, tampoko un minister tin derecho di prohibi un persona pa sali di Aruba, e peticion mester bai via Juez of OM pa duna orden na Justicia pa prohibi e persona aki sali di Aruba. Den esei ta esunan mas interesa mester a hasi nan trabou mihor.
Resultado final si tin motibo pa persigui e persona aki internacionalmente anto mester haci un peticion na interpol pa detene e persona aki.
,
July 13, 2012
...
Fransisco No ta bai precupa cu un paar di mucha manda cu kier hasi buja menos cu Boosji Wever cu no tin ni pariba ni pabow los perros ladran pero la caravana sique pasando
,
July 13, 2012
...
@ Guy Fawkes, mi sa si bo a compronde mi bon of kizas mi no tawata mucho cla: Oposicion a defende e homber di origen Spaño aki mientra tawata tin hopi webistes cu tawata mustra ken e persona aki ta. Oposicion a te hasta grita cu voz halto ora cu segun nan tin mas grupo 'serio' interesa pa tuma Valero over lugar ta e mes un hende nan aki. Mientras ni banco nan local kier a habri cuenta bancario pa e hende nan aki oposicion a sigi defende nan. Esaki ta consecuencia di no busca drechi di ken e persona nan aki ta y djis sali defende nan. E ta un lastima y d**or pa tur esnan cu a wordo emplea y awe tur a sali perhudica. Ami ta kere cu aki tambe gobierno mester wak pa bin cu ley nan pa proteha nos mes un hende nan.
,
July 13, 2012
Duna Comentario y/of Comparti riba Social Medi |
Mustra/Kita e formulario di comentario
