Lisette Christiaans -Yarzagaray, Directora interino di CBS a splica riba e cantidad di turistanan cu ta haci uso di pago online pa paga hopi di nan gastonan prome cu biaha pa Aruba, cual ta haci dificil pa calcula e cantidad di placa cu turistanan ta laga atras durante nan bishita.

CBS ta indica cu durante e ultimo añanan por mira un cambio den trend di turista, unda cu bishitantenan ta bira mas moderno cu e uso di sistemanan electronico y online pa haci pago di nan productonan cu lo wordo usa durante nan vakantie. Estadisticanan ta mustra un crecemento di 10% den turistanan cu ta paga gran parti di nan gastonan online promer cu nan biaha y di e forma aki haci uso di e asina yama package vacation. Componentenan di un package deal ta dificil pa calcula, unda cu e parti cu CBS mas por saca afor ta e parti di acomodacion, caminda ta haya informacion for di AHATA. Dor di combina e cifranan ricibi for di AHATA y e encuesta mensual cu CBS ta haci cu turistanan cu ta biaha via avion, nan por haya un idea di loke ta wordo gasta online. CBS na final ta compara su cifranan cu esunnan di Banco Central, kende ta usa otro metologia pa calcula, pero cu na final comparando tur dos cifra ta saca un solo suma di cuanto ta wordo gasta per turista.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi