| CBS a constata cu placa cu turista ta laga atras a crece den ultimo 2 añanan |
 |
 |
| Thursday, 12 July 2012 20:38 |
|
Diahuebs atardi durante conferencia di prensa, Lisette Christiaans- Yarzagaray Director Interino di Oficina Central di Estadistica (CBS) a duna splicacion riba e cifranan di turismo cu a wordo publica recientemente den e Statistical Yearbook di CBS. El a bisa cu e meta di e yearbook aki ta pa duna un bista general riba diferente area di Aruba, manera entre otro poblacion, clima, cantidad di auto, scol, como tambe turismo. Turismo ta solamente un componente chikito den full un publicacion cual tin como meta general pa duna bista riba e desaroyo di Aruba completo. E publicacion aki no ta contene tur e datonan riba tereno turistico den forma completo, cual a wordo publica den otro documento, e Tourism Profile, cual ta un publicacion anual. Esaki ta wordo traha abase di encuestanan cu ta wordo haci tur luna cu turistanan cu ta bin Aruba via avion, unda cu nan ta wordo puntra cuanto nan lo gasta, di unda nan ta bin, ki entrada nan tin y entre otro si nan ta satisfecho cu e producto di Aruba. E resultadonan di e encuesta ta wordo compila cu informacionnan ricibi for di otro instancianan manera AHATA, ATA, AAA y Banco Central y for di esaki ta traha un solo publicacion. E publicacion aki ta den su fase final y dentro di poco lo wordo publica. Esnan den oposicion a piki algun informacion for di e Statistical Yearbook caminda entre otro ta publica e average daily expenditure di un turista, cual ta e placa cu turistanan ta gasta den averahe pa persona pa dia, durante nan estadia na Aruba. Loke ta sosode awendia ta cu turistanan promer cu nan biaha ta busca informacion y ta cumpra cierto cosnan online caba. Den e cifranan di 2011 por mira cu e patronchi di turistanan pa biahamento a cambia drasticamente. Di e turistanan cu a bin Aruba na 2011, 10% mas ta dicidi cu ta bin cu un package, lo cual cu ta haci cu gran parti di e productonan cu nan ta bauy consumi na Aruba ya a wordo paga promer cu nan a yega nos isla. Esey ta haci cu ora CBS midi loke e turista a gasta durante su estadia na Aruba, esaki ta baha, pa via cu awor aki mas cu 50% di turista ta cumpra un package deal. CBS tin un manera pa maneha e forma nobo aki caminda ta encuesta e turista y ta puntre cuanto den average cuanto e ta gasta, hunto cu otro datonan, e informacion aki ta wordo multiplica pa e cantidad di anochinan, ta multiplike pa e cantidad di bishitantenan y asina ta yega na un total cu ta indica cuanto placa Aruba a genera dor di turistinan y cuanto placa a keda atras na Aruba. E calculacion cu CBS ta saca afor di tur e datonan compila ta mustra cu turistanan a gasta 834 miyon Dollar den aña 2011 compara cu 821 miyon Dollar na 2010. Akinan CBS ta indica cu mester tene na cuenta cu e datonan aki ta solamente basa riba turistanan ‘stay over’ y no ta conta turismo crucero. Comentarionan (1)Mustra/Kita comentarionan ...
Ki dia Aruba ta hanja su placa di ganashi di nos tourista nan den forma di un bonus?Manera otro pais nan Europenjo y den caribe? Asina nos no trata e toursita nan mas great.Si nos sa cu nos ta hanja un recompensa paso nos tambe ta coniente cu nos tin cu tene cuenta cu esei.Pero tur e ganashi cu e tourisita nan ta trece kita e BBO y tur otro gasto ta sobra hopi placa cu por compartie pa e pueblo...
,
July 17, 2012
Duna Comentario y/of Comparti riba Social Medi |
Mustra/Kita e formulario di comentario
