Diaranson 18 di juli ta bay tin un interesante lectura tocante e peliger y menasa di e especie invasivo cu ta conoci como “Lionfish”. E presentacion ta programa pa tuma lugar di 7:30 pm-8:30 pm den e Cadushi Room di Holiday Inn Resort. Publico general ta wordo cordialmente invita.

E puntonan cu lo wordo trata ta: E especie invasivo di Lionfish, familia di e conocido ‘Scorpion fish’ Lo bai splica di nan hábitat. E morfología di Lionfish. E veneno di Lionfish. Cual ta parti di e Lionfish ta hinca y kiko ta e efecto di su veneno. Con hopi un Lionfish ta broei? E consequencia riba nos bida marino y sistema ecologico Nan custumber di come. Impacto riba e populacion di pisca Consequencia pa nos rif y turismo Con nos por combati e problemanan cu e Lionfish ta causa. Experiencianan di un “Lionfish hunter. E Lectura lo ser presenta pa Sr. Shannon Rollock y Sr. Jair Britten. E presentación y lectura ta bou giua y asistencia technico di Aruba Reef care Foundation y Aruba Marine Park Foundation. Nos kier a extende nos gratitud na gerencia y staff di Holiday Inn Beach Resort pa nan patrocinio di sala pa por duna e lectura. E problema di Lionfish ta hopi grandi pa nos isla ya cu Lionfish no tin enemigo natural y e ta causa daño grandi na nos sistema ecológico. Pesey nos kier invita un y tur cu ta interesa y en particular esnan cu ta maneha, traha y ta directamente envolvi cu deporte acuatico. Por favor acudi na Holiday Inn, diaranson 18 di Juli, for di 7:30 p.m.-8:30 p.m. E lectura lo tuma lugar den Cadushi room.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi