| Digicel a celebra 9 aña di existencia cu su trahadonan |
 |
 |
| Sunday, 15 July 2012 19:57 | ||||||||||||
|
A organisa un "car rally" cu e trahadonan cu a cuminsa y caba na e oficina principal di Digicel den Marisol Building riba L.G. Smith Boulevard. "Nos ta masha contento cu tur locual Digicel a haci y a logra den e ultimo 9 añanan di existencia riba Aruba. Nos tin hopi plannan mas cu nos lo ehecuta den e temponan nos dilanti", asina Remko van der Veldt, gerente general di Digicel Aruba a bisa na e ocasion aki. E tambe a participa activamente den e Car Rally pa e empleadonan di e red mas grandi, mas miho y awo esun mas lihe riba nos isla. Aunke e mercado di Aruba ta hopi competitivo, tur hende ta di acuerdo cu Digicel a haci un cambio hopi positivo na henter e panorama di telecomunicacion riba nos isla. Digicel tabata e prome den lansa un lista di servicio y productonan nobo den nos mercado, pa cual Aruba a sa di gosa di mas y miho servicio di comunicacion mobil. "E ta nos forma di bisa nos trahadonan danki pa e sosten, pa e apoyo y pa e bon servicio cu nan ta duna diariamente na nos clientenan. Y tambe e evento aki ta un forma pa nos prepara nos trahadonan y nos clientenan pa e gran celebracion di nos 10 aniversario na juli otro aña", di acuerdo cu Remko van der Veldt. "Nos semper tin un motibo pa celebra.....asina ta prepara pa nos gran celebracion otro aña!"
Comentarionan (2)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
