Partido MEP desde Congreso na augstus anja pasa, a dicidi di introduci un logo nobo pa e partido. Un solo logo y un solo slogan pa e sigiente eleccion. Lider di MEP Evelyn Wever-Croes a duna di conose cu e campanja ta dirigi na tur hende cu kier mustra nan creatividad den esaki. “Nos a haya bastante reaccion caba pa e logo y pa e slogan.

Nos a haya hopi bon comentario tambe especialmente di nos hobennan cu a bisa cu ta prome biaha cu un partido politico ta aprecia nan creatividad di e forma aki. Nos a laga e disenjo totalmente liber, pues disenjonan cu no ta figura e solo of parha tradicional di partido tambe ta bon bini. Tin hende a compronde cu asina nos lo deshasi di e simbolonan di nos partido, pero esey no ta e caso. Nos simplemente kier a laga tur hende liber den nan creatividad. Tur hende tin un voto den e escohencia di e logo nobo, por hasie via facebook of por pasa na Cede di MEP pa evalua tur e posibilidadnan. E campanja ta sera diadomingo awor 22 di juli. Tin tremendo premio pa e ganadornan di e mihor logo y e mihor slogan.

Pa e mihor logo tin un prome premio di 2000 florin cash, di dos premio un Ipad, di tres premio un Ipod,  di cuatro premio un lessenaar , di cinco premio un blackberry. Pa e mihor slogan tin un prome premio di 1000 florin cash, di dos premio 500 florin cash, di tres premio 350 florin cash, di cuatro premio 250 florin cash y di cinco premio 100 florin cash. Bo tin oportunidad di registra bo creacion ainda mas tarda diadomingo awor, 22 juli. Tire den e buzon di MEP On THE MOVE na Cede di MEP, of mande via meponthemove@gmail.com" target="_blank">meponthemove@gmail.com.

Comentarionan (6)

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi