| Dj Chuckie na Amsterdam hunto cu Premier Mike Eman ta anuncia un proyecto grandi pa Aruba |
 |
 |
| Tuesday, 17 July 2012 16:10 |
 E famoso Dj Chuckie a anuncia diamars atardi hunto cu Premier Mike Eman na Amsterdam den Hotel Okura un proyecto grandi pa Aruba. Den un Suite di un hotel Five Star na Aruba lo habri su studio profesional grandi pa grabacion. E lo bira su oficina principal tambe pa tur deal relaciona cu su musica y conciertonan. Gevmin Edwin Abath y Premier Mike Eman tabata presente ora Dj Chuckie a anuncia esaki. El a invita autoridad di Aruba pa asina den presencia di un cantidad di prensa haci e anuncio aki den forma oficial. Gobierno a mustra interes pa sostene e ideanan di Dj Chuckie pa e concretiza esaki na Aruba. Tur gasto ta den man di e organizacion mes di Dj Chuckie pero den e caso aki e sosten pa e proceso cana sin obstaculo ta e rol di gobierno. Esaki ta un idea cu Dj Chuckie mes a lansa mirando cu e ta admira nos isla. E no ta desconoci na Aruba pasobra e tin te hasta un hogar na Aruba. E ta considera Aruba un lugar adecuado como un hub pa Latino y Sur America mirando cu e tipo di musica cu e ta presenta ta creciendo den gran forma. Prome Minister Mike Eman y Gevmin Edwin Abath a splica cu nan conoce e musica y sa tambe e impacto cu el a haci na Aruba den un recien evento grandi di Film Festival. Dj Chuckie tin un staff di 40 persona trahando y tres consehero legal. Loke cu mas ta haci Dj Chuckie asina special ta su humildad pa cu otronan cu topa cune tur caminda. E ta keda un persona simpel y su popularidad no a cambia su forma di atende hende. Tur cos ta mustra cu otro siman e lo ta na Aruba pa atende un reunion cu gobierno y duna un presentacion completo di su studio profesional cu lo habri na Aruba.Comentarionan (3)Mustra/Kita comentarionan ...
E DJ aki ta kere ta masha bon e ta haci mezclando su musica cu politica. Tende ki nobato, si bo kier mete cu politica, tene bon cuenta cu ora bin gobierno nobo bo number tambe lo hunga.
,
July 17, 2012
...
Atrobe e guy ki , hahaahha , masha pret mes , ta promove su mes e kier promove , si e trese music na aruba den un five star hotel bla bla , ami kier sa ken e ta bai promeve of kiko e ta bai hasi pa ARUBA bai dilanti , tur concierto cu tin na ARUBA , plaka ta bai afo anyways , e no ta keda den Aruba su economia , so ban serio , hustle and flow , esey ta un bida di un DJ , low of High caliber , pero props pa e guy ki si , e ta tuma un bon oportunidad pa mezcla politica y music, kidow e bai DJ roadmarch y calypso 2013.,hahahhaahahhhaha
,
July 18, 2012
Duna Comentario y/of Comparti riba Social Medi |
Mustra/Kita e formulario di comentario
